ເປີດ​ແລ້ວ​ລົດ​ໄຟCRE​ຈາກ​ນານ​ນິງ-​ຮ່າ​ໂນ້ຍ​ຖ້ຽວ​ທຳ​ອິດ
2017-11-29 16:49:10  cri 
​ເວ​ລາ 9 ໂມງ 30 ນາ​ທີ ຂອງວັນ​ທີ 28 ພະ​ຈິກ​ນີ້,ຂະ​ບວນ​ລົດ​ໄຟ​ດ່ວນ​ຈີນຫຼືCRE (China Railway Express )​ໄດ້​ອອກ​ຈາກ​ສະ​ຖາ​ນີ​ລົດ​ໄຟນານ​ນິງ​​ໃຕ້ເຂດ​ປົກ​ຄອງ​ຕົນ​ເອງ​ເຜົ່າ​ຈ້ວງກວາງ​ຊີ ສ​ປ ຈີນ​ມຸ່ງ​ໜ້າ​ສູ່​ນະ​ຄອນຫຼວງ​ຮ່າ​ໂນ້ຍ​ປະ​ເທດ​ຫວຽດ​ນາມ​ໂດຍ​ກົງ. ຕາມ​ແຜນ​ການ, ​ປັດ​ຈຸ​ບັນ, ຖ້ຽວ​ລົດ​ດັ່ງ​ກ່າວ​ຈະ​ເປີດ​ອາ​ທິດ​ລະສອງ​ຖ້ຽວ, ໂດຍ​​ມີໄລ​ຍະ​ທາງປະ​ມານ 400 ກິ​ໂລ​ແມັດແລະຄາດ​ວ່າ​ຈະ​ໃຊ້​ເວ​ລາ 20 ຊົ່ວ​ໂມງ.

ຫຼັງ​ອອກ​ຈາກ​ສະ​ຖາ​ນີ​ລົດ​ໄຟນານ​ນິງ​ໃຕ້​ແລ້ວ, ຂະ​ບວນ​ລົດ​ໄຟ​ດັ່ງ​ກ່າວ​ຈະ​ຜ່ານ​ດ່ານ​ຊາຍ​ແດນ​ ​ຜິງ​ສຽງ​ໄປ​ປະ​ເທດ​ຫວຽດ​ນາມ​ແລະເມື່ອ​ທຽບ​ໃສ່​ການ​ຂົນ​ສົ່ງ​ທາງຫຼວງ​ແລ້ວ, ຈະ​ສາ​ມາດ​ປະ​ຢັດ​ຄ່າ​ຂົນ​ສົ່ງ​ໄດ້​ເຖິງ 20%.

ການ​ຂົນ​ສົ່ງ​ຕູ້​ບັນ​ທຸກ​ສິນ​ຄ້າ​ຂ້າມ​ແດນ​ຕາມ​ທາງ​ລົດ​ໄຟ​ດ່ວນ​ຈີນ​CREແຕ່​ນານ​ນິງ​ຈີນ​ຫາ​ຮ່າ​ໂນ້ຍ​ຫວຽດ​ນາມ​ມີ​ທ່າ​ແຮງ​ຕ່າງໆ​ເປັນ​ຕົ້ນ ຂົນ​ສົ່ງ​ໃນ​ປະ​ລິ​ມານຫຼາຍ,ປອດ​ໄພ,ມີ​ປະ​ສິດ​ທິ​ພາບ​ສູງ​ແລະ​ລາ​ຄາ​ຖືກ ເຊິ່ງ​ຈະ​ສາ​ມາດ​ເພີ່ມ​ຂີດ​ຄວາມ​ສາ​ມາດ​ຂົນ​ສົ່ງ​ສິນ​ຄ້າ​ຂ້າມ​ຊາດ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ