ຮອດ​ປີ 2030 ຈີນ​ຈະສ້າງ​ຫ້ອງ​ນ້ຳ​ສະ​ອາດ​ໃຫ້​ປົກ​ຄຸມ​ທົ່ວ​ປະ​ເທດ
2017-11-30 10:54:20  cri 
ໜັງ​ສື​ພິ​ເສດ​ຖະ​ກິດ​ລ​າຍ​ວັນ​ຈີນ​ລາຍ​ງານ​ວ່າ: ຫົວ​ໜ້າ​ຫ້ອງວ່າ​ການ​ຄະ​ນະ​ກຳ​ມະ​ການ​ຂະ​ບວນ​ການ​ອະ​ນາ​ໄມ​ເພື່ອ​ຮັກ​ຊາດ​ທົ່ວ​ປະ​ເທດ​ຈີນ​ຢືນ​ຢັນ​ໃນ​ເມື່ອ​ມໍ່ໆ​ນີ້ ​ພາຍຫຼັງຈີນ​ໄດ້​ຮັບ​ຜົນ​ສຳ​ເລັດ​ຢ່າງ​ພົ້ນ​ເດັ່ນ​ໃນ​ການ​ປັບ​ປຸງ​ຫ້ອງ​ນ້ຳໃນ​ຊົນ​ນະ​ບົດ​ທົ່ວ​ປະ​ເທດ​ ເຊິ່ງ​ເຫັນ​ໄດ້​ຈາກ ອັດ​ຕາ​ການ​ມີ​​ຫ້ອງ​ນ້ຳ​ສະ​ອາດ​ໃນ​ຊົນ​ນະ​ບົດ​ຈາກ 7,5% ເມື່ອ​ປີ 1993 ​ເພີ່ມ​ຂຶ້ນ​ເຖິງ 80,3% ໃນ​ປີ2016ຜ່ານ​ມາ, ສຳ​ລັບ​ບາງ​ເຂດ​ແຂວງ​ຢູ່​ພາກ​ຕາ​ເວັນ​ອອກ​ຂອງ​ປະ​ເທດ​ກໍ​ສູງ​​ແຕ່ 90% ຂຶ້ນ​ໄປ. ​ຈາກ​ນີ້, ຫ້ອງວ່າ​ການ​ຕົນ​ຈະຕັ້ງ​ໜ້າ​​ສືບ​ຕໍ່ຊຸກ​ຍູ້​ການ​ປະ​ຕິ​ບັດຂະ​ບວນ​ການ "​ປະ​ຕິ​ວັດຫ້ອງ​ນ້ຳ​"​​ໂດຍ​ສູ້​ຊົນ​ເມື່ອ​ຮອດ​ປີ2030​ໃຫ້ບັນ​ລຸ​ເປົ້າ​ໝາຍ​ປົກ​ຄຸມ​ທົ່ວ​ປະ​ເທດ.

ຄະ​ນະ​ກຳ​ມະ​ການ​ຂະ​ບວນ​ການ​ອະ​ນາ​ໄມ​ເພື່ອ​ຮັກ​ຊາດ​ທົ່ວ​ປະ​ເທດ​ຈີນ​ກໍ​ຄື​ບັນດາໜ່ວຍ​​ງານ​ຈະ​ຍຶດ​ໝັ້ນຫຼັກ​ການ​ສ້າງ​ຫ້ອງ​ນ້ຳສະ​ອາດ​ແບບ​ໂຮມ​ສູນ​ຢູ່​ແຕ່​ລະ​ບ້ານ ເພື່ອ​ຮັບ​ປະ​ກັນສຳ​ເລັດ​ເປົ້າ​ໝາຍ​ເຮັດ​ໃຫ້​ອັດ​ຕາ​ຫ້ອງ​ນ້ຳ​ອະ​ສາດ​​ຢູ່ຊົນ​ນະ​ບົດ​ຂອບ​ເຂດ​ທົ່ວ​ປະ​ເທດ​ບັນ​ລຸ​ເຖິງ 85% ເມື່ອ​ຮອດ​ປີ 2020. ​ຂະ​ນະ​ທີ່​ຢູ່ທົ່ວ​ເຂດ​ພາກ​ຕາ​ເວັນ​ອອກ​ແລະ​ບາງ​ເຂດ​ຢູ່​ພາກ​ກາງ,​ພາກ​ຕາ​ເວັນ​ຕົກ​ທີ່​ມີ​ເງື່ອນ​ໄຂ​ກໍ​ສຳ​ເລັດ​ເປົ້າ​ໝາຍ​ປັບ​ປຸງ​ຫ້ອງ​ນ້ຳ​ຊົນ​ນະ​ບົດ​​ທີ່ປອດ​ໄພ​ສະ​ອາດ​ໂດຍ​ພື້ນ​ຖານ, ຂະ​ນະ​ດຽວ​ກັນ​ກໍ​ຄົ້ນ​ຄວ້າ​ຮູບ​ແບບ​ປັບ​ປຸງ​ຫ້ອງ​ນ້ຳສະ​ອາດ​ທີ່​ສອດ​ຄ່ອງ​ກັບ​ສະ​ພາບ​ຕົວ​ຈິງ​ໃນ​ປັດ​ຈຸ​ບັນ​ຂອງ​ຊົນ​ນະ​ບົດ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ