ເອກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ອາ​ຊຽນ​ເຂົ້າອຳ​ລາ​ເລ​ຂາ​ທິ​ການ​ໃຫຍ່​ອາ​ຊຽນ
2017-11-30 17:01:04  cri 
ເວັບ​ໄຊ​ຄະ​ນະ​ທູ​ຕາ​ນຸ​ທູດ​ຈີນ​ປະ​ຈຳ​ອາ​ຊຽນ​ເປີດ​ເຜີຍ​ວ່າ: ຫວ່າງມໍ່ໆ​ມາ​ນີ້ ​ທີ່​ນະ​ຄອນ​ຫຼວງ​ຈາ​ກາ​ຕາ​ປະ​ເທດ​ອິນ​ໂດ​ເນ​ເຊຍ, ທ່ານ ຊີ​ປູ້ ເອກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ອາ​ຊຽນ​ໄດ້​ເຂົ້າ​ອຳ​ລາ​ທ່ານ ເລ​ເລືອງມິງ ເລ​ຂາ​ທິ​ການ​ໃຫຍ່​ອາ​ຊຽນ​ຢູ່​ສຳ​ນັກ​ເລ​ຂາ​ອາ​ຊຽນ.

ທ່ານ ຊີ​ປູ້​ໄດ້​ສະ​ແດງ​ຄວາມ​ຂອບ​ໃຈ​ຕໍ່​ການ​ສະ​ໜັບ​ສະ​ໜູນ​ຢ່າງ​ແຂງ​ແຮງ​ຈາກ​ທ່ານ​ເລ​ຂາ​ທິ​ການ​ໃຫ​ຍ່​ເລ​ເລືອງ​ມິງ​ໃນ​ການ​ປະ​ຕິ​ບັດ​ໜ້າ​ທີ່​ຂອງ​ຕົນ​ຕະ​ຫຼອດ 2 ປີ​ຜ່ານ​ມາ. ພ້ອມ​ທັງກ່າວ​ວ່າ: ປີ​ໜ້າ​ແມ່ນ​ປີ​ແຫ່ງ​ການ​ສ້າງ​ສາຍ​ພົວ​ພັນ​ຄູ່​ຮ່ວມ​ຍຸດ​ທະ​ສາດ​ລະ​ຫວ່າງ​ຈີນ-ອາ​ຊຽນ​ຄົບ​ຮອບ 15 ປີ,ການ​ພົ​ວ​ພັນ​ລະ​ຫວ່າງ​ສອງ​ຝ່າຍ​ຈະ​ພົບກັບ​ອະ​ນາ​ຄົດ​ທີ່​ສົດ​ໃສແລະ​ໂອ​ກາດ​ການ​ພັດ​ທະ​ນາ​ທີ່​ຫາ​ຍາກ. ຈາກ​ນີ້​ຈຶ່ງ​ຫວັງ​ວ່າ​ຈະຮ່ວມ​ກັບ​ອາ​ຊຽນ,​ຊຸກ​ຍູ້​ຂະ​ບວນ​ການ​ເຊື່ອມ​ໂຍງພາກ​ພື້ນ​ເຂົ້າ​ກັນ ເພື່ອສັນ​ຕິ​ພາບ,ສະ​ຖຽນ​ລະ​ພາບ​ແລະ​ຄວາມ​ຈະ​ເລີນ​ຮຸ່ງ​ເຮືອງ​ຢ່າງ​ຍາວ​ນານ.

ທ່ານ ເລ​ເລືອງ​ມິງ ໄດ້​ສະ​ແດງ​ຄວາມ​ຊົມ​ເຊີຍ​ຕໍ່​ຄວາມ​ພະ​ຍາ​ຍາມ​ຂອງ​ທ່ານ ຊີ​ປູ້ ເອກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ອາ​ຊຽນ​ເພື່ອຊຸກ​​ຍູ້​ເສີມ​ຂະ​ຫຍາຍ​ສາຍ​ພົວ​ພັນ​ລະ​ຫວ່າງ​ອາ​ຊຽນ-ຈີນ​ໃນ​ 2 ປີ​ຜ່ານ​ມາ,ພ້ອ​ມ​ທັງ​ກ່າວ​ວ່າ​​ອາ​ຊຽນ​ຫວັງ​ຮ່ວມ​ມື​ກັບ​ຈີນ​ລົງ​ເລິກ​ການ​ຮ່ວມ​ມື​ໃນ​ຂົງ​ເຂດ​ຕ່າງໆ​ຕື່ມ​ອີກ,ຊຸກ​ຍູ້​ການ​ພົວ​ພັນ​ຄູ່​ຮ່ວມ​ມື​ຍຸດ​ທ​ະ​ສາດ​ລະ​ຫວ່າງ​ສອງ​ຝ່າຍ​ໃຫ້ກວ້າງ​ອອກ​ຢ່າງ​ບໍ່​ຢຸດ​ຢັ້ງ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ