ທ່ານ​ສີ​ຈິ້ນ​ຜິ​ງ​ສົ່ງ​ໂທລະ​ເລກ​ຊົມ​ເຊີຍ​ກອງ​ປະຊຸມ​ລະນຶກ​ "ວັນ​ສາກົນ​ລະດົມ​ການ​ຊ່ວຍ​ເຫຼືອ​ປະຊາຊົນປາ​ແລັດ​ສະຕິ​ນ"
2017-11-30 16:06:39  cri 
ວັນ​ທີ 29 ພະຈິກ​ນີ້, ອົງການ​ສະຫະ​ປະຊາ​ຊາດ​​ໄດ້ຈັດ​ກອງ​ປະຊຸມ​ລະນຶກ "ວັນ​ສາກົນລະດົມ​ການ​ຊ່ວຍ​ເຫຼືອ​ປະຊາຊົນປາ​ແລັດສະ​ຕິນ" ​ແລະ​ໃນ​ໂອກາດ​ດັ່ງກ່າວທ່ານ​ສີ​ຈິ້ນ​ຜິ​ງ ປະທານ​ປະ​ເທດ​ຈີນ​ກໍໄດ້​ສົ່ງ​ໂທລະ​ເລກ​ຊົມ​ເຊີຍ​ກອງ​ປະຊຸມ.

ທ່ານ​ສີ​ຈິ້ນ​ຜິ​ງ​ເນັ້ນ​ໃນ​ໂທລະ​ເລກ​ວ່າ: ບັນຫາ​ປາແລັດ​ສະຕິ​ນ​ແມ່ນ​ບັນຫາ​ຫຼັກ​​ໃນ​ພາ​ກພື້ນ​ຕາ​ເວັນ​ອອກ​ກາງ ​ແລະ​ຈາກ​ນີ້, ການ​ແກ້​ໄຂ​ບັນຫາ​ປາແລັດ​ສະຕິ​ນ​ຢ່າງ​ຍຸ​ຕິ​ທຳຮອບດ້ານຈຶ່ງ​ສອດຄ່ອງ​ກັບ​ຜົນ​ປະ​ໂຫຍ​ດຂອງ​ປະຊາຊົນ​ບັນດາ​ປະ​ເທດ​ຢູ່​​ປາ​ແລັດ​ສະຕິ​ນ ​ທັງ​ເປັນຜົນ​ດີ​ຕໍ່​ສັນຕິພາບ ​ແລະ​ສະຖຽນ​ລະ​ພາບ​ຂອງ​ໂລກ.

ທ່ານຍົກ​ໃຫ້​ເຫັນວ່າ: ຈີນ​ສະໜັບ​ສະ​ໜູນ​ສັນຕິພາບ​ລະຫວ່າງປາ​ແລັດ​ສະຕິ​ນ ​ແລະ​ອິດສະ​ແລນ ​ໂດຍໃນ​ເດືອນກໍລະກົດ​ປີ​ນີ້​, ​ໄດ້​ສະ​ເໜີ 4 ຂໍ້​​ຕໍ່​ບັນຫາປາ​ແລັດ​ສະຕິ​ນ ​ເພື່ອ​ຊຸກຍູ້ການ​ສ້າງ​ຄວາມ​​ໄວ້​ເນື້ອ​ເຊື່ອ​ໃຈລະຫວ່າງປາແລັດ​ສະຕິ​ນ-ອິດສະ​ແລນຄືນ​ໃໝ່​ ​ແລະ​ເປີດ​ການ​ເຈລະຈາ​​ສັນຕິ​ພາບ​ໄວ​ເທົ່າ​ທີ່​ຈະ​ໄວ​​ໄດ້ ​ແລະ​ໃນ​ຖານະ​ທີ່ີຈີນ​​ເປັນ​ປະ​ເທດ​ສະມາຊິກ​ຖາວອນ​ໃນ​ສະພາ​ຄວາ​ມໝັ້ນຄົງ​ອົງການ​ສະຫະ​ປະຊາ​ຊາດ ​ແລະ​ເປັນ​ປະ​ເທດ​​ໃຫຍ່​ທີ່​ມີ​ຄວາມ​ຮັບ​ຜິດ​ຊອບນັ້ນ​ຈຶ່ງ​ຍິນ​ດີ​ຮ່ວມ​ກັບ​ປະຊາ​ຄົມ​​ໂລກ​ພະຍາຍາມຢ່າງ​ບໍ່​ລົດ​ລະ​​ເພື່ອ​ບັນລຸ​ສັນຕິພາບ​ຂອງ​ພາກ​ພື້ນ​ຕາ​ເວັນ​ອອກ​ກາງ​ຢ່າງຮອບດ້ານ, ຍຸຕິ​ທຳ ​ແລະ​ຍືນ​ຍົງ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ