ກອງ​ປະ​ຊຸມ​ຮ່ວມ​ມື​ດ້ານ​ປະ​ຕິ​ບັດ​ກົດ​ໝາຍ​ນະ​ຄອນຫຼວງລະ​ຫວ່າງ​ຈີນ-ອາ​ຊຽນ​ແລະ​ປະ​ເທດ​ອ້ອມ​ຂ້າງ
2017-11-30 11:01:07  cri 
ກອງ​ປະ​ຊຸມ​ການ​ຮ່ວມ​ມື​ດ້ານ​ປະ​ຕິ​ບັດ​ກົດ​ໝາຍ​​​ລະ​ຫວ່າງນະ​ຄອນຫຼວງ​ຂອງ​ຈີນ-ອາ​ຊຽນ​ແລະ​ປະ​ເທດ​ອ້ອມ​ຂ້າງ​ໄດ້​ຈັດ​ຂຶ້ນ​ຢູ່​ນະ​ຄອນຫຼວງ​ປັກ​ກິ່ງ​ປະ​ເທດ​ຈີນໃນ​ວັນ​ທີ 28 ພະ​ຈິກ​ນີ້ ໂດຍ​ມີ​ຜູ້​ແທນ 15 ປະ​ເທດ ເຊັ່ນ: ອິນ​ໂດ​ເນ​ເຊຍ, ມາ​ເລ​ເຊຍ, ສິງ​ກະ​ໂປ, ໄທ, ຟິ​ລິບ​ປິນ ແລະ​ຜູ້​ແທນ​ຫ້ອງ​ການ​​ສະ​ກັດ​ກັ້ນ​ແລະ​ປາບ​ປາມ​ຢາ​ເສບ​ຕິດອົງ​ການ​ສະ​ຫະ​ປະ​ຊາ​ຊາດ ແລະ ສຳ​ນັກ​ເລ​ຂາ​ທິ​ການ​ອົງ​ການ​ຕຳຫຼວດ​ອາ​ຊຽນ​ເຂົ້າ​ຮ່ວມ.

ກອງ​ປະ​ຊຸມ​​ດັ່ງ​ກ່າວ​ເນັ້ນປັບ​ປຸງ​ກົນ​ໄກ​​ການປະ​ສານ​ງານ​ວຽກ​ງານ​ຕຳຫຼວດ​ລະ​ຫວ່າງ​ພາກ​ສ່ວນ​ປະ​ຕິ​ບັດ​ກົດ​ໝາຍນະ​ຄອນຫຼວງ​​ຂອງປະ​ເທດ​ຕ່າງໆ ເພື່ອ​​ແລກ​ປ່ຽນ​ຖອດ​ຖອນ​ບົດ​ຮຽນ ແລະ ພັດ​ທະ​ນາ​ຮ່ວມ​ກັນ.

ກອງ​ປະ​ຊຸມ​ທີ່​ມີ​ຫົວ​ຂໍ້ "ເພີ່ມ​ທະ​ວີ​ການ​ຮ່ວມ​ມື​ປະ​ຕິ​ບັດ​ກົດ​ໝາຍ ເພື່ອຮັບ​ປະ​ກັນ​ຄວາມ​ໝັ້ນ​ຄົງ​ພາກ​ພື້ນ" ໄດ້​ປຶກ​ສາ​ຫາ​ລື​ແລະ​ແລກ​ປ່ຽນ​ຄວາມ​ເຫັນ ໂດຍ​ປິ່ນ​ອ້ອມ​ການ​ຕໍ່​ຕ້ານ​ລັດ​ທິ​ກໍ່​ການ​ຮ້າຍ, ​ອາ​ຊະ​ຍາ​ກຳ​ຂ້າມ​ຊາດ​ທີ່​ມີ​ການ​ຈັດ​ຕັ້ງ, ​ອາ​ຊະ​ຍາ​ກຳ​ເສດ​ຖະ​ກິດ, ອິນ​ເຕີ​ເນັດ, ການ​ຄ້າ​ຢາ​ເສບ​ຕິດ, ການ​​ຄ້າ​ຂາຍ​ເດັກ​ນ້ອຍ​ແລະ​ແມ່​ຍິງ, ການ​ຄ້າ​ຢາ​​ມຶນ​ຜິດ​ກົດ​ໝາຍ, ການ​ຄ້າ​ຢາ​ປົວ​ພະ​ຍາດ​ທາງ​ຈິດ​ໃຈ ແລະ ການ​ຄ້າ​ສານ​ເຄ​ມີ​ທີ່​ໃຊ້​ໃນ​ການຜະ​ລິດ​​ຢາ​ເສບ​ຕິດ​ ແລະ ການ​ປ້ອງ​ກັນ​ຜົນ​ປະ​ໂຫຍດ​ຢູ່ຕ່າງ​ປະ​ເທດ​ຂອງ​ບັນ​ດາ​ປະ​ເທດ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ