ພາຍຫຼັງສຳເລັດການເຂົ້າຮ່ວມພົບປະລະຫວ່າງຜູ້ນຳຈີນ-ປະເທດເອີລົບກາງແລະຕາເວັນອອກຄັ້ງທີ 6 ແລະ ສິ້ນສຸດການຢ້ຽມຢາມຮົງກາລີຢ່າງເປັນທາງການແລ້ວ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ເດີນທາງດ້ວຍເຄື່ອງບິນພິເສດອອກຈາກນະຄອນຫຼວງບູຕາເປສ໌ໃນຕອນເຊົ້າວັນທີ 29 ພະຈິກນີ້.
ໃນໄລຍະຢ້ຽມຢາມ, ທ່ານຫຼີເຄີ້ສຽງໄດ້ພົບປະແລກປ່ຽນຄວາມເຫັນກັບຜູ້ນຳບັນດາປະເທດໃນເອີລົບກາງແລະຕາເວັນອອກ ພ້ອມດ້ວຍປະມຸກລັດ ແລະ ບຸກຄົນວົງການຕ່າງໆຂອງຮົງກາລີ ໂດຍຜູ້ນຳປະເທດເອີລົບກາງແລະຕາເວັນອອກຕ່າງກໍເຫັນດີເປັນເອກະພາບກັນວ່າ, ຍິນດີຮ່ວມມືສອງຝ່າຍ ແລະ ໃນຂອບ "16 + 1" ເພື່ອສ້າງອະນາຄົດແຫ່ງການພັດທະນາທີ່ດີງາມກວ່າເກົ່າກັບຈີນ ແລະນຳເອົາຄວາມຜາສຸກມາໃຫ້ປະຊາຊົນບັນດາປະເທດຫຼາຍກວ່າເກົ່າ.