ທ່ານຫຼີ​ເຄີ້​ສຽງ​ຈະ​ເຂົ້າ​ຮ່ວມກອງ​ປະ​ຊຸມ​ນາ​ຍົກ​ລັດ​ຖະ​ມົນ​ຕີ​ອົງ​ການ​ຮ່ວມ​ມື​ຊຽງ​ໄຮ​ຄັ້ງ​ທີ 16
2017-12-01 11:33:11  cri 

ໂດຍ​ຕອບ​ສະ​ໜອງ​ຕາມ​ຄຳ​ເຊີນ​ຂອງ​ທ່ານ​ດີ​ມີ​ຕ​ຣີ ເມັດ​ເວ​ເດັ​ຟ ນາ​ຍົກ​ລັດ​ຖະ​ມົນ​ຕີ​ຣັດ​ເຊຍ, ທ່ານຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ໄດ້​ເດີນ​ທາງ​ເຖິງ​ສະ​ໜາມ​ບິນ​ສາ​ກົນ​ໂຊ​ຊີ​ດ້ວຍ​ເຮືອ​ບິນ​ພິ​ເສດ​ໃນ​ຕອນ​ເຊົ້າ​ວັນ​ທີ 30 ພະ​ຈິກ​ນີ້​ເພື່ອ​ຈະ​ເຂົ້າ​ຮ່ວມກອງ​ປະ​ຊຸມ​ນາ​ຍົກ​ລັດ​ຖະ​ມົນ​ຕີ​​ປະ​ເທດ​ສະ​ມາ​ຊິກອົງ​ການ​ຮ່ວມ​ມື​ຊຽງ​ໄຮ​ຄັ້ງ​ທີ 16.


ທ່ານຫຼີ​ເຄີ້​ສຽງ​ຢືນ​ຢັນ​ວ່າ: ຄອງ​ຄອຍ​ຮ່ວມ​ກັບ​ບັນ​ດາ​ຝ່າຍ​ເຕົ້າ​ໂຮມ​ກັນ​ຢູ່​ເມືອງ​ໂຊ​ຊີ ທີ່​ມີ​ສາ​ຍາ​ນາມ​ວ່າ "ໄຂ່​ມຸກ​ທະ​ເລ​ດຳ"​ເພື່ອ​ຄົ້ນ​ຄວ້າ​ໝາກ​ຜົນທີ່​ຍາດ​ມາ​ໄດ້,ຂຸດ​ຄົ້ນ​ທ່າ​ແຮງ​ບົ່ມ​ຊ້ອນ, ສືບ​ຕໍ່​ຊຸກ​ຍູ້​ການ​ຮ່ວມ​ມື​ລະ​ຫວ່າງ​ປະ​ເທດ​ສະ​ມາ​ຊິກ​ອົງ​ການ​ຮ່ວມ​ມື​ຊຽງ​ໄຮ​ໃນ​ຂົງ​ເຂດ​ການ​ເມືອງ,ຄວາມ​ໝັ້ນ​ຄົງ,ເສ​ດ​ຖະ​ກິດ,ວັດ​ທະ​ນະ​ທຳ​ແລະ​ອື່ນໆ​ຈາກ​ຈຸດ​ເລີ່ມ​ຕົ້ນ​ໃໝ່ຫຼັງ​ອົງ​ການ​ຮ່ວມ​ມື​ຊຽງ​ໄຮ​ຂະ​ຫຍາຍ​ສະ​ມາ​ຊິກ​ເປັນ​ຄັ້ງ​ທຳ​ອິດ.

ໃນ​ໄລ​ຍະ​ກອງ​ປະ​ຊຸມດັ່ງ​ກ່າວ, ທ່ານຫຼີ​ເຄີ້​ສຽງ​ຍັງ​ຈະ​ຮ່ວມ​ກັບ​ຜູ້​ນຳ​ປະ​ເທດ​ສະ​ມາ​ຊິກ​ອົງ​ການ​ຮ່ວມ​ມື​ຊຽງ​ໄຮ​ລົງ​ນາມ​ໃນ​ສັນ​ຍາ​ຮ່ວມ​ມື​ທີ່​ກ່ຽວ​ຂ້ອງກໍ​ຄື​ຮ່ວມ​ພົບ​ປະ​ສອງ​ຝ່າຍຫຼາຍ​ຄັ້ງ​ທັງ​ເຂົ້າ​ຮ່ວມ​ກິດ​ຈະ​ກຳ​ວັດ​ທະ​ນະ​ທຳ​ແລະ​ອື່ນໆ​​ໂດຍ​ທ່ານ​ນາ​ຍົກ​ເມັດ​ເວ​ເດັ​ຟ​ເປັນ​ເພື່ອນ​ຮ່ວມ​ທາງ.

ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ