ທ່ານ​ສີຈິ້ນ​ຜິ​ງພົບ​ປະ​ກັບ​ທ່ານ​ໂອ​ບາ​ມາ​
2017-12-01 15:49:26  cri 
ວັນ​ທີ 29 ພະຈິກ​ນີ້, ທ່ານ​ສີ​ຈິ້ນ​ຜິ​ງ ປະທານ​ປະ​ເທດ​ຈີນ​ໄດ້​ພົບ​ປະ​ກັບ​ທ່ານ​ໂອ​ບາ​ມາ ອະ​ດີດ​ປະທານາທິບໍດີ​ອາ​ເມ​ລິ​ກາ​ຢູ່​ຫໍ​ຮັບ​ແຂກ​ຕຽວຢຸ​ໄທທີ່​ນະຄອນຫຼວງ​ປັກ​ກິ່ງ.

ທ່ານ​ສີ້​ຈິ້ນ​ຜິ​ງຕີ​ລາຄາ​ສູງ​ຕໍ່​ຄວາມ​ພະຍາຍາ​ມຂອງ​ທ່ານ​ໂອ​ບາ​ມາ​ໃນ​ການ​ພັດທະນາ​ສາ​ຍພົວພັນ​ຈີນ-ອາ​ເມ​ລິ​ກາ.

ທ່ານ​ເນັ້ນ​ຕື່ມ​ອີກ​ວ່າ: ຈີນ-ອາ​ເມ​ລິ​ກາ​ມີ​ຄວາມ​ຮັບ​ຜິດ​ຊອບ ​ແລະຜົນ​ປະ​ໂຫຍ​ດຮ່ວມ​ກັນ​ໃນ​ການ​ຮັກສາສັນຕິພາບ ​ແລະ​ຄວາມ​ໝັ້ນຄົງ​ຂອງ​ໂລກ ​ລວມທັງ​ການຊຸກຍູ້​ການ​ພັດທະນາ​ໃຫ້ຮຸ່ງ​ເຮືອງ. ການຮັກສາ​ສາຍ​ພົວພັນ​ຈີ​ນ-ອາ​ເມ​ລິ​ກາ​ໃຫ້​ພັດທະນາ​ຢ່າງປອ​ດ​ໃສ ​ແລະ​ໝັ້ນຄົງ​ຍາວນານ​ສອດ​ຄ່ອງກັບ​ຜົນ​ປະ​ໂຫຍ​ດຮ່ວມ​ຂອງ​ສອງ​ຝ່າຍ​ກໍ​ຄື​ຂອງ​ບັນດາ​ປະ​ເທດ​. ສະ​ນັ້ນ, ປະ​ເທດ​ຕົນ​ຍິນ​ດີສຸມ​ທຸກ​ຄວາມ​ພະຍາຍາມ​ກັບ​ອາ​ເມ​ລິ​ກາ​​ເພີ່ມ​ທະວີ​ການ​ແລກປ່ຽນ, ​ເຈລະຈາ ​ແລະ​ການ​ຮ່ວມ​ມື​ກັບ​ອາ​ເມ​ລິ​ກາ ​ເພື່ອ​ສົ່ງ​ເສີມ​ສາຍ​ພົວພັນ​ສອງ​ຊາດ​​ໃຫ້​ພັດທະນາ​ດີ​ຂຶ້ນ​ກວ່າ​ເກົ່າ.

ທ່ານ​ໂອ​ບາ​ມາ​ກ່າວ​ວ່າ: ຈີນ​ໄດ້​ຮັບ​ຜົນສຳ​ເລັດ​ເປັນ​ຢ່າງ​ຍິ່ງ​ ​ແລະ​ໜ້າຊົມ​ເຊີຍໃນ​ການ​ພັດທະນາ. ຂະນະ​ທີ່​ການ​ຂະຫຍາຍ​ສາຍ​ພົວພັນສ້າງສັນ​ລະຫວ່າງ​ອາ​ເມ​ລິ​ກາ-ຈີນ​ກໍສອດຄ່ອງ​ກັບ​ຜົນ​ປະ​ໂຫຍ​ດຂອງ​ປະຊາຊົນ​ສອງ​ຊາດ, ຂ້າ​ພະ​​ເຈົ້າ​ຍິນ​ດີ​ສືບຕໍ່ປະກອບສ່ວນ​ເຂົ້າ​ໃນ​ການ​ສົ່ງ​ເສີມ​ຄວາມ​ເຂົ້າ​ໃຈ ​ແລະ​ການ​ຮ່ວມ​ມື​ລະຫວ່າງ​​ສອງ​ປະ​ເທດ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ