ກົມ​ການ​ບິນ​ພົນ​ລະ​ເຮືອນ​ຈີນ​ຊ່ວຍ​ນັກ​ທ່ອງ​ທ່ຽວ​ຈີນ​ທີ່​ຄ້າງ​ຢູ່​ເກາະ​ບາຫຼີ​ກັບ​ຄືນ​ປະ​ເທດ
2017-12-01 10:50:21  cri 
ຫຼັງ​ພູ​ໄຟ​ອາ​ກົງ​​ປະ​ທຸ​ແລະພົ່ນ​ຄວັນ​ອອກ​ມາ, ​ລວມ​ທັງສະ​ໜາມ​ບິນ​ອູ​ຣາ​ໄຣ​ເກາະ​ບາຫຼີກໍ​ໄດ້​ປິດ​ເປັນ​​ຊົ່ວ​ຄາວ​ແຕ່​7 ໂມງວັນ​ທີ 27 ພະ​ຈິກ​ນີ້​ເປັນ​ຕົ້ນ​ມາ ແລະ​ສະ​ພາບ​ດັ່ງ​ກ່າວ​ໄດ້​ສ້າງ​ຄວາມ​ຫຍຸ້ງ​ຍາກ​ໃຫ້​ແກ່​ນັກ​ທ່ອງ​ທ່ຽວ​ຈີນ​ເປັນ​ຈຳ​ນວນຫຼວງຫຼາຍ ໂດຍຫຼ້າ​ສຸດ ມາ​ຮອດ​ວັນ​ທີ 29 ພະ​ຈິກ​ນີ້, ​ມີ​ນັກ​ທ່ອງ​ທ່ຽວ​ຈີນ 1 ໝື່ນກວ່າ​ຄົນ​ຄ້າງ​ຢູ່​ເກາະ​ບາຫຼີ. ​ຈາກ​ນີ້ກົມ​ການ​ບິນ​ພົນ​ລະ​ເຮືອນ​ຈີນ​ໄດ້​ປະ​ຕິ​ບັດ​ໜ້າ​ທີ່​ດ້ວຍ​ການ​ຮັບ​ມື​ສຸກ​ເສີນ ໂດຍຮຽກ​ຮ້ອງ​ໃຫ້​ບໍ​ລິ​ສັດ​ການ​ບິນ​ຕ່າງໆ​ຂອງ​ຈີນ​ທີ່​ມີ​ຖ້ຽວ​ບິນ​ໄປ​ເກາະ​ບາຫຼີຈົ່ງ​ແກ້​ໄຂ​ບັນ​ຫາ​ດັ່ງ​ກ່າວ​ໃຫ້​ດີ ແລະ ກຽມ​ຖ້ຽວ​ບິນ​ສຳ​ຮອງ​ເພື່ອ​ຮັບ-​ສົ່ງ​ນັກ​ທ່ອງ​ທ່ຽວ​ຈີນ​ທີ່​ຄ້າງ​ໄວ້​ຢູ່​ເກາະ​ບາຫຼີ​ກັບ​ຄືນ​ປະ​ເທດ​ຢ່າງ​ປອດ​ໄພ.

ມາ​ຮອດ 9 ໂມງ 30 ນາ​ທີວັນ​ທີ 30 ພະ​ຈິກ​ນີ້, ບໍ​ລິ​ສັດ​ການ​ບິນ​ໄດ້​ສົ່ງ​ເຮືອ​ບິນ 16 ລຳ​ໄດ້​ຮັບນັກ​ທ່ອງ​ທ່ຽວ 2893 ຄົນ​ກັບ​ຄືນ​ປະ​ເທດ ແລະ​ໃນ​ມື້​ດັ່ງ​ກ່າວ, ກົມ​ການ​ບິນ​ພົນ​ລະ​ເຮືອນ​ຈີນ​ກໍ​ໄດ້​ປະ​ສານ​ງານ​ກັບ​ບໍ​ລິ​ສັດ​ການ​ບິນ​ຕ່າງ​ປະ​ເທດ​ສົ່ງ​ເຮືອ​ບິນ 13 ລຳ​ໄດ້​ຮັບນັກ​ທ່ອງ​ທ່ຽວ​ຈີນ 2703 ຄົນ​ກັບ​ຄືນ​ປະ​ເທດຕື່ມ​ອີກ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ