ກອງ​ປະ​ຊຸມ​ສາ​ກົນດ້ານ​ປະ​ຊາ​ກອນ​ແລະ​ການ​ພັດ​ທະ​ນາຄັ້ງ​ທີ 14 ຮັບ​ຮອງ​ແຜນ​ການ​ດຳ​ເນີນ​ງານ​ຈອກ​ຢາ​ກາ​ຕາ
2017-12-01 16:37:22  cri 
    ກອງ​ປ​ະ​ຊຸມ​ສາ​ກົນ​ຂັ້ນ​ລັດ​ຖະ​ມົນ​ຕີ​ກ່ຽວ​ກັບ​ປະ​ຊາ​ກອນ​ແລະ​ການ​ພັດ​ທະ​ນາ​ຄັ້ງ​ທີ 14 ທີ່​ໄຂ​ຂຶ້ນ​ຢູ່​​ຈອກ​ຢາ​ກາ​ຕາ​ປະ​ເທດ​ອິນ​ໂດ​ເນ​ເຊຍ ໄດ້​ອັດ​ລົງ​ໃນ​ວັນ​ທີ 29 ພະ​ຈິກ​ຜ່ານ​ມາ​ດ້ວຍ​ການ​ຮັບ​ຮອງ "ແຜນ​ການ​ດຳ​ເນີນ​ງານ​​ຈອກ​ຢາ​ກາ​ຕາ" ເຊິ່ງ​ແຜນ​ການ​ດັ່ງ​ກ່າວເນັ້ນ​ສົ່ງ​ເສີມ​ໃຫ້​ປະ​ເທດ​ສະ​ມາ​ຊິກ​ຈັດ​ເອົາ​ສະ​ພາບ​ການ​ປ່ຽນ​ແປງ​ຂອງ​ປະ​ຊາ​ກອນ​ເຂົ້າ​ໃນ​ແຜນ​ການ​ພັດ​ທະ​ນາ​ຕົວ​ເມືອງ, ສ້າງ​ຕົວ​ເມືອງ​ແບບ​ຍືນ​ຍົງ, ແລ​ກ​ປ່ຽນ​ຂໍ້​ມູນ​ໂດຍ​ຜ່ານ​ຂອບ​ການ​ຮ່ວມ​ມື​ໃຕ້ໆ, ຖອດ​ຖອນ​ບົດ​ຮຽນ​ຈາກ​ພຶດ​ຕິ​ກຳ ແລະ ແຜນ​ການ​ຄຸ້ມ​ຄອງ.

    ນອກນີ້, ແຜນ​ການ​ດຳ​ເນີນ​ງານ​ຍັງ​ຮຽກ​ຮ້ອງ​ໃຫ້​ລັດ​ຖະ​ບານ​ບັນ​ດາ​ປະ​ເທດ ຈົ່ງພິ​ຈາ​ລະ​ນາ​ເຖິງ​ຂອບ​ເຂດ​ປົກ​ຄຸມ​ສຸ​ຂະ​ພາບ​ໄວ​ຈະ​ເລີນ​ພັນ, ແມ່​ມານ​ແລະ​ແມ່​ໃໝ່, ເດັກ​ແດງ​ແລະ​ເດັກ​ນ້ອຍ​​ເປັນ​ບຸ​ລິ​ມະ​ສິດ​ ຂະ​ນະ​ທີ່​ຈັດ​ວາງ​ແຜນ​ການ​ບໍ​ລິ​ການ​ສາ​ທ​າ​ລະ​ນະ​ຂອງ​ຕົວ​ເມືອງນັ້ນ ໃຫ້​ອົງ​ການ​ປົກ​ຄອງ​ເມືອງ​ເພີ່ມ​ທະ​ວີ​ການ​ບໍ​ລິ​ການ​ສາ​ທາ​ລະ​ນະ​ພື້ນ​ຖານ, ປັບ​ປຸງ​ອົງ​ປະ​ກອບ​ການ​ຄຸ້ມ​ຄອງ​ໃຫ້​ດີ​​ຂຶ້ນ, ປັບ​ປຸງ​ສຸຂະ​ພາບ​ຂອງ​ປະ​ຊາ​ຊົນ​ໃຫ້​ດີ​ຂຶ້ນ, ລົງ​ທຶນ​ເຂົ້າ​ໃນ​ດ້ານ​ເຕັກ​ນິກ​ແລະ​ການ​ປະ​ດິດ​ສ້າງ​ໃໝ່​ໃນ​ຍຸກ​ປັດ​ຈຸ​ບັນ​ໃຫ້ຫຼາຍ​ຂຶ້ນກວ່າ​ເກົ່າ, ປັບ​ປຸງ​ນະ​ໂຍ​ບາຍ​ໃຫ້​ດີ​ຂຶ້ນ, ໃຫ້​ການ​ບໍ​ລິ​ການການ​ຮັກ​ສາ​ສຸ​ຂະ​ພາບ​ແລະ​ທາງ​ສັງ​ຄົມ​ໃຫ້​ແກ່​ປະ​ຊາ​ກອນອາ​ຍຸ​ສູງ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ