ເວລາ 18 ໂມງຂອງວັນທີ 1 ທັນວານີ້ ຕາມເວລາທ້ອງຖິ່ນ, ພິທີຈົກສະຫຼາກແບ່ງກຸ່ມຂອງ ງານກິລາເຕະບານຊີງຂັນໂລກ ໄດ້ຈັດຂຶ້ນຢູ່ວັງແກລມແລງນະຄອນຫຼວງມົສກູປະເທດຣັດເຊຍໂດຍທ່ານວຣາດີເມຍ ປູຕິນ ປະທານາທິບໍດີຣັດເຊຍ, ທ່ານກຽນນີ ອິນຟານຕີໂນ ປະທານສະຫະພັນບານເຕະສາກົນ, ຄູຝຶກຂອງ 32 ທີມຊາດທີ່ເຂົ້າຮ່ວມການແຂ່ງຂັນ ກໍຄືດາລາບານເຕະໂລກເປັນຕົ້ນ ທ່ານເປລີ, ທ່ານໂຣນານໂດ, ທ່ານມາຕາອູສ ພ້ອມດ້ວຍແຂກຜູ້ມີກຽດທ່ານອື່ນໆປະມານ 1000 ກວ່າທ່ານເຂົ້າຮ່ວມ.
ຈາກການປະສານສົມທົບຂອງແຂກຜູ້ມີກຽດຈົກສະຫຼາກ 8 ທ່ານ, ໄດ້ສະເຫຼີຍຜົນການແບ່ງກຸ່ມຂອງ 32 ທີມຊາດທີ່ເຂົ້າຮ່ວມການແຂ່ງຂັນຮອບຊີງຊະນະເລີດຂອງ ງານກິລາເຕະບານຊີງຂັນໂລກ ຄື ກຸ່ມ A: ຣັດເຊຍ,ອາຣັບບີຊາອູດິດ, ເອຢິບແລະອູຣູໄກວ. ກຸ່ມ B: ປອກຕຸຍການ,ແອສປາຍ, ມາຣົກແລະອີຣານ, ກຸ່ມ C: ຝຣັ່ງ,ອົສຕຣາລີ,ເປຣູແລະດານມາກ, ກຸ່ມ D:ອາກຊັງຕິນ,ອິດສລັງ,ໂກຼອາຊີ ແລະນີເຊຣີ. ກຸ່ມE: ເບຼຊິນ,ສວິສ, ໂກສຕາຣີກາແລະແຊກບີ,ກຸ່ມF: ເຢຍລະມັນ, ແມັກຊິກ,ຊູແອັດແລະສ ເກົາຫຼີ. ກຸ່ມG: ແບນຊິກ, ອັງກິດ,ຕຸຍນີຊີແລະປານາມາ. ສ່ວນກຸ່ມHປະກອບດ້ວຍ ໂປໂລຍ,ໂກລົມບີ, ເຊເນການແລະຍີ່ປຸ່ນ.
ງານກິລາເຕະບານຊີງຂັນໂລກຈະຈັດຂຶ້ນຢູ່ 11 ຕົວເມືອງຂອງຣັດເຊຍແຕ່ວັນທີ 14 ມິຖຸນາຫາວັນທີ 15 ກໍລະກົດປີ 2018.