ວັນທີ 2 ທັນວານີ້, ສປປເກົາຫຼີກ່າວປະນາມອາເມລິກາແລະສ.ເກົາຫຼີທີ່ຈະຈັດການຊ້ອມຮົບຮ່ວມທາງອາກາດໃນເດືອນນີ້, ແລະກ່າວວ່າການຊ້ອມຮົບແມ່ນແນໃສ່ສປປເກົາຫຼີ, ໄດ້ຊຸກຍູ້ແຫຼມເກົາຫຼີທີ່ສະດຸ້ງໄວໃນປັດຈຸບັນນັ້ນໃຫ້ຂະຫຍາຍໄປສູ່ສົງຄາມ.
ມື້ດຽວກັນ ກະຊວງການຕ່າງປະເທດສປປເກົາຫຼີອອກຖະແຫຼງການໂດຍກ່າວວ່າ, ອາເມລິກາກ່າວວ່າການຊ້ອມຮົບເທື່ອນີ້ແມ່ນຢາກຝຶກແອບຄວາມສາມາດໃນການສູ້ຮົບແທ້ຈິງ,ເພື່ອບັນລຸເປົ້າໝາຍທີ່ເຮັດໃຫ້ສປປເກົາຫຼີເສຍຄວາມສາມາດໂຈມຕີທາງຍຸດທະສາດໃນໄລຍະເລີ່ມຕົ້ນເກີດສົງຄາມ.
ຖະແຫຼງການຊີ້ອອກວ່າ, ຖ້າວ່າອາເມລິກາເຮັດໃຫ້ແຫຼມເກົາຫຼີກໍຄືທົ່ວໂລກເກີດສົງຄາມນິວເຄຼຍແລ້ວ, ຈະໃຫ້ອາເມລິກາແບກຫາບຜົນຮ້າຍຢ້ອນຫຼັງທຸກຢ່າງ.
ຖະແຫຼງການຂຽນວ່າ, ອາເມລິກາແລະສ.ເກົາຫຼີຈະຈັດການຊ້ອມຮົບຮ່ວມທາງອາກາດໃນວັນທີ 4-8 ທັນວານີ້ ເຊິ່ງມີຂະໜາດໃຫຍ່ກວ່າໝູ່ໃນປະຫວັດສາດ, ໂດຍມີຍົນຮົບຫຼາຍກວ່າ 230 ລຳແລະນາຍແລະພົນທະຫານອາເມລິກາ 1 ໝື່ນ 2 ພັນຄົນທີ່ປະຈຳຢູ່ຖານທັບອາກາດຍິ່ປຸ່ນແລະສ.ເກົາຫຼີເຂົ້າຮ່ວມ.
