ການສ້າງ​ຄວາມ​ສຸກ​ໃຫ້​ປະ​ຊ​າ​ຊົນ​ແມ່ນ​ໜ້າ​ທີ່​ຮັບ​ຜິດ​ຊອບ​ຂອງ​ພັກ​ການ​ເມືອງ
2017-12-03 16:03:40  cri 
​​ໃນ​ເວ​ລາ​ໃຫ້​ສຳ​ພາດ​ຕໍ່​ນັກ​ຂ່າວCRI ໃນວັນ​ທີ 2 ທັນ​ວານີ້, ທ່ານ​ໂບ​ກິນ ບາ​ລາ​​ກຸ​ລາ ຫົວ​ໜ້າ​ສະ​ມາ​ຄົມ​ເສດ​ຖະ​ກິດ​ວັດ​ທະ​ນະ​ທຳ​ໄທ​ຈີນ​ທີ່​ເດີນ​ທາງ​ມາ​ເຂົ້າ​ຮ່ວມ​ກອງ​ປ​ະ​ຊຸມ​ສົນ​ທະ​ນາ​​ຂັ້ນ​ສູງ​ລະ​ຫວ່າງ​ພັກ​ກອມ​ມູ​ນິດ​ຈີນ​ກັບ​ພັກ​ການ​ເມື​ອງໂລກ​ ຢູ່ນະ​ຄອນ​ຫຼວງ​ປັກ​ກິ່ງ​ໄດ້​ກ່າວວ່າ​, ຂໍ້​ລິ​ເລີ່ມ​ສ້າງ​ປະ​ຊາ​ຄົມ​ຮ່ວມ​ຊາ​ຕ​າກຳ​​​ຂອງ​ມະນຸດ​ທີ່​ທ່ານ​ສີ​ຈິ້ນ​ພິງ ປະ​ທານ​ປະ​ເທດ​ຈີນ​ສະ​ເໜີ​ອອກ​ໃນ​ກອງ​ປະ​ຊຸມ​ຄັ້ງ​ນີ້​ແມ່ນ​ເພື່ອ​ເຮັດ​ໃຫ້​ໝົດ​ທຸກ​ຄົນ​ໃນ​ໂລກ​ໄດ້​ຮັບ​ຜົນ​ປະ​ໂຫຍດ​ຈາກ​ການ​ເປັນໂລ​ກະພິ​ວັດ​.

ທ່ານ​ໂບ​ກິນແມ່ນ​ສະ​ມາ​ຊິກ​ອາ​ວຸ​ໂສ​ຂອງ​ພັກ​ເພື່ອ​ໄທ, ເຄີຍ​ເປັນ​ປະ​ທານ​ສ​ະ​ພາ​ແຫ່ງ​ຊາດ​ໄທ, ຮອງ​ນາ​ຍົກ​ລັດ​ຖະ​ມົນ​ຕີ​ໄທ. ໃນ​ເວ​ລາ​ກ່າວ​ເຖິງ​ຂໍ້​ລິເລີ່ມຂອງ​ທ່ານ​ສີ​ຈິ້ນ​ພິງ ເລ​ຂາ​ທິ​ການ​ໃຫຍ່​ສູນ​ກາງ​ພັກ​ກອມ​ມູ​ນິດ​ຈີນ ທ່ານ​ກ່າວ​ວ່າ:

ຂ້າ​ພະ​ເຈົ້າ​ເຫັນ​ວ່າ​ຂໍ້​ລິ​ເລີ່ມນີ້​ຖືກ​ຕ້ອງ​ຫຼາຍ. ເພາະ​ວ່າ​ພັກ​ການ​ເມືອງ​ທັງ​ໝົດ​ລ້ວນ​ແຕ່​ມີ​ຄວາມ​ຮັບ​ຜິດ​ຊອບ​ໃນ​ການ​ຮັບ​ໃຊ້​ແລະ​ສ້າງ​ຄວາມ​ສຸກ​ໃຫ້​ປະ​ຊາ​ຊົນ, ສະ​ນັ້ນ ພັກ​ກອມ​ມູ​ນິດ​ຈີນ​ຈຶ່ງ​ໄດ້​ສະ​ເໜີ​ຂໍ້​ລິ​ເລີ່ມ​ສ້າງ​ປະ​ຊາ​ຄົມຮ່ວມ​​ຊາ​ຕ​າ​ກຳ​ຂອງ​ມະ​ນຸດ.ພັກ​ກອມ​ມູ​ນິດ​ຈີນ​ທີ່​ນຳ​ພາ​ໂດຍ​ທ່ານ​ສີ​ຈິ້ນ​​ຜິງ​ສະ​ເໜີ​ຂໍ້​ລິ​ເລີ່ມ​ດັ່ງ​ກ່າວນີ້, ແມ່ນ​ຢາກ​ເຮັດ​ໃຫ້​ການ​ເປັນໂລ​ກະພິ​ວັດ​ມີ​ຄວາມ​ສະ​ເໝີ​ພາບກວ່າ​ເກົ່າ, ເຮັດ​ໃຫ້​ໝົດ​ທຸກ​ຄົນ​ໄດ້​ຮັບ​ຜົນ​ປະ​ໂຫຍດ​ພ້ອມ, ນີ້​ກໍ​ແມ່ນ​ບັນ​ຫາ​ທີ່​​ທຸກໆພັກ​ການ​ເມືອງເອົາ​ໃຈ​ໃສ່​ທີ່​ສຸດ​ແລະ​ຢາກ​ແກ້​ໄຂ​, ແມ່ນ​ໜ້າ​ທີ່​ຮັບ​ຜິດ​ຊອບຂອ​ງ​ທຸກໆ​ພັກ​ການ​ເມືອງ​.

ທ່ານ​ໂບ​ກິນ​ເຫັນ​ວ່າ, ​ກອງ​ປະ​ຊຸມ​ສົນ​ທະ​ນາ​​ຂັ້ນ​ສູງ​ລະ​ຫວ່າງ​ພັກ​ກອມ​ມູ​ນິດ​ຈີນ​ກັບ​ພັກ​ການ​ເມືອງໂລກ​ຄັ້ງ​ນີ້​ມີ​ຄວາມ​ໝາຍ​ບໍ່​ທຳ​ມະ​ດາ. ທ່ານ​ເວົ້າ​ວ່າ:ພວກ​ຂ້າ​ພະ​ເຈົ້າ​ສາ​ມາດຖອດ​ຖອນ​ບົດ​ຮຽນ​ທີ່​ດີ​ຈາກ​ພັກ​ກອມ​ມູ​ນິດ​ຈີນ. ​ນັບແຕ່​ຈີນ​ດຳ​ເນີນ​ການ​ປະ​ຕິ​ຮູບ​ແລະ​ໄຂ​ປະ​ຕູ​ສູ່​ພາຍນອກ​ເປັນ​ເວ​ລາເກືອບ40ປີ​ມານີ້, ຈີນ​ໄດ້​ຈາກ​ປະ​ເທດ​ທຸກ​ຍາກ​ຫຼ້າ​ຫຼັງ​ຂະ​ຫຍາຍ​ຕົວ​ເປັນ​ປະ​ເທດ​ນຳ​ໜ້າ​ໃນ​ບັນ​ດາ​ປະ​ເທດພວມ​ພັດ​ທະ​ນາ​ແລະກາຍ​ເປັນ​ກຸ່ມ​ເສດ​ຖະ​ກິດ​ໃຫຍ່​ທີ​ສອງ​ໃນ​ໂລກ, ນີ້​​ເປັນ​ການ​ຢັ້ງ​ຢືນ​ທີ່​ດີ​ທີ່​ສຸດ​ຕໍ່​ຄວາມ​ສາ​ມາດ​ການກຳ​ອຳ​ນາດ​ຂອງ​ພັກ​ກອມ​ມູ​ນິດ​ຈີນ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ