ທ່ານ​ສີ​​ຈິ້ນ​ຜິງ​ໄດ້ສົ່ງ​ຈົດ​ໝາຍອວຍ​ພອນກອງ​ປະ​ຊຸມ​ອິນ​ເຕີ​ເນັດ​ໂລກ​ຄັ້ງ​ທີ 4
2017-12-03 13:33:03  cri 

​ກອງ​ປະ​ຊຸມ​​ອິນ​ເຕີ​ເນັດ​ໂລກ​ຄັ້ງ​ທີ 4 ໄດ້​ຈັດ​ຂຶ້ນ​ຢູ່​ເມືອງ​ອູ່​ເຈີ້ນ ແຂວງ​ເຈີ້​ຈ່ຽງ​ໃນຕອນ​ເຊົ້າ ວັນ​ທີ 3 ທັນ​ວາ​ນີ້. ທ່ານ​ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ໄດ້​ສົ່ງ​ຈົດ​ໝາຍອວຍ​ພອນ.

ກອງ​ປະ​ຊຸມ​ຄັ້ງ​ນີ້​ໄດ້​ເຕົ້າ​ໂຮມ​ແຂກ 1500 ທ່ານ​ທີ່​ມາ​ຈາກ​ທົ່​ວ​ໂລກ, ລວມ​ທັງ​ຜູ້​ຮັບ​ຜິດ​ຊອບ​ອົງ​ການ​ຈັດ​ຕັ້ງ​ສາ​ກົນ, ຜູ້​ນຳໜ້າ​ພາ​ທາງ​ດ້ານ​ອິນ​ເຕີ​ເນັດ, ຜູ້​ທີ່​ມີ່​ຊື່​ສຽງ​​ໂດ່ງດັງ​ທາງ​ອິ​ນເຕີ​ເນັດ, ຜູ້​ສ່ຽງ​ຊານ​ແລະ​ນັກ​​ວິ​ຊາ​ການ. ຫົວ​ຂໍ້​ຫຼັກ​ຂອງກອງ​ປະ​ຊຸມ​ຄັ້ງ​ນີ້​ແມ່ນ ພັດ​ທະ​ນາ​ເສດ​ຖະ​ກິດ​ດີຈິ​ຕອນ, ຊຸກ​ຍູ້​ການ​ເປີດ​ປະ​ຕູ​ແລະ​ການ​ຊົມ​ໃຊ້​ຮ່ວມ​ກັນ---ຮ່ວມ​ກັນ​ສ້າງ​ປະ​ຊາ​ຄົມ​​ຮ່ວມ​ຊາຕາ​​ກຳຊ່ອງ​ຫວ່າງ​ອິນ​ເຕີ​ເ​ນັດ.

ອີງ​ຕາມ​ຫ້ອງ​ການ​ຂ່າວ​ສານ​ອິນ​ເຕີ​ເນັດ​ແຫ່ງ​ຊາດ​​ຈີນ​ໃຫ້​ຮູ້​ວ່າ, ກອງ​ປະ​ຊຸມ​ຈະ​ປະ​ຕິ​ບັດ​ຕາມ​ແນວ​ຄິດ​ສັງ​ຄົມ​ນິ​ຍົມ​ສີ​ສັນ​ພິ​ເສດ​ຂອງ​ຈີນ​ໃນ​​ຍຸກໃໝ່​ຂອງ​ທ່ານ​ສີ​ຈິ້ນ​ຜິງ, ​ປິ່ນອ້ອມ​​ທັດ​ສະ​ນະ​ຄຸ້ມ​ຄອງອິນ​ເຕີ​ເນັດ​ຂອງ​ທ່ານ​ສີ​ຈິ້ນ​ຜິງ, ​ສຸມ​ໃສ່ ເສດ​ຖະ​ກິດ​​ດີຈິ​ຕອນ, ເນັ້ນ​ໜັກ ​ການເປີດ​ປະ​ຕູ​ແລະ​ການ​ຊົມ​ໃຊ້​ຮ່ວມ​ກັນ, ຕັ້ງ​ໜ້າ​ສ້າງ​​ເວ​ທີ​ທີ່​ຈີນ​ເຊື່ອມ​ຈອດ​ຊົມ​ໃຊ້ແລະ​ປົກ​ຄອງຮ່ວມກັບ​ໂລກ, ​ເຮັດ​ໃຫ້​ຄວາມ​ແຕກ​ຕ່າງ​ກັນ​ດ້ານ​ດີຈິ​ຕອນ​ລະ​ຫວ່າງ​ປະ​ເທດ​ພວມ​ພັດ​ທະ​ນາ​ກັບ​ປະ​ເທດ​​ທີ່ພັດ​ທະ​ນາ​ແລ້ວ​ໃຫ້​ໜ້ອຍ​ລົງ, ​ປະ​ກອບ​ສ່ວນ​ກຳ​ລັງ​ຂອງ​ຈີນ​ເຂົ້າ​ໃນ​ການຄຸ້ມ​ຄອງ​ອິນ​ເຕີ​ເນັດ​ທົ່ວ​ໂລກ, ​ແລະ​ວາງ​ແຜນ​ການ​ຈີນ​ທີ່​ຮ່ວມ​ກັນ​ສ້າງປະ​ຊາ​ຄົມ​​ຮ່ວມ​ຊາ​ຕາ​ກຳ​ໃນຊ່ອງ​ຫວ່າງ​ອິນ​ເຕີ​ເ​ນັດ.

ກອງ​ປະ​ຊຸມ​ອິນ​ເຕີ​ເນັດ​ໂລກ​ຄັ້ງ​ທີ 4 ຈະ​ຈັດ​ຂຶ້ນ​​ແຕ່ວັນ​ທີ 3 ຫາ ວັນ​ທີ 5 ທັນ​ວາ​ນີ້.

ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ