ການຝຶກຊ້ອມຕ້ານການກໍ່ການຮ້າຍຮ່ວມຈີນ-ຣັດເຊຍໃນລະຫັດ"ຮ່ວມມື2017"
ໄດ້ຈັດຂຶ້ນຢ່າງເປັນທາງການໃນວັນທີ 3 ທັນວານີ້ໂດຍທະຫານຈີນ-ຣັດເຊຍໄດ້ຝຶກຊ້ອມ ການຍິງເປົ້າດ້ວຍປືນຍາວອັດຕະໂນມັດ 95, ຍິງປືນແບບເຄື່ອນທີ່ວ່ອງໄວ, ແກວ່ງໝາກແຕກ, ປິ່ນປົວສຸກເສີນໃນສະໜາມຮົບແລະອື່ນໆ.
ທ່ານຫຼິວຈື້ຈຸ່ນ ຫົວໜ້າທີມຝ່າຍຈີນທີ່ເຂົ້າຮ່ວມການຝຶກຊ້ອມຮ່ວມກ່າວວ່າ: ການຝຶກຊ້ອມຮ່ວມດຳເນີນແຕ່ວັນທີ 3ຫາ 8 ທັນວານີ້, ນອກຈາກການຝຶກຊ້ອມວິທີສູ້ຮົບຕ່າງໆເປັນຕົ້ນ,ການຍິງປືນຂັ້ນພື້ນຖານ, ການຍິງປືນໂດຍນຳໃຊ້ວິທີສູ້ຮົບຕົວຈິງ, ຫຼາຍຈຸປະສານສົມທົບໃນການຍິງປືນ, ການບຸກໂຈມຕີອາຄານຢ່າງກະທັນຫັນ, ຕ້ານການປຸ້ນຈີ້ໃນລົດເມປະຈຳທາງ,ການສູ້ຮົບແບບກວາດລ້າງເຂດຄຸ້ມຖະໜົນແລະອື່ນໆແລ້ວຍັງຈະຈັດການສຳມະນາວ່າດ້ວຍການບັນຊາການຝຶກຊ້ອມແລະວິທີການສູ້ຮົບແລະວັນທີ 9 ເດືອນດຽວກັນຈະເຂົ້າສູ່ໄລຍະຊ້ອມຮົບຮ່ວມໂດຍ ກອງຕີພິເສດປະສົມນ້ອຍຈະດຳເນີນການຝຶກຊ້ອມສູ້ຮົບລວມໃນການຕ້ານການກໍ່ການຮ້າຍຢູ່ເຂດພູດອຍເປັນເວລາ 3 ມື້ 2 ຄືນ.
 |
