ຕອນຄ່ຳວັນທີ 2 ທັນວານີ້, ງານຮູບເງົາຈີນ-ອາຊຽນ 2017 ໄດ້ຈັດຂຶ້ນຢູ່ເມືອງປູຕຣາປະເທດມາເລເຊຍ ໂດຍເຈົ້າໜ້າທີ່ລັດຖະບານແລະບຸກຄົນໃນວົງການຮູບເງົາຫຼາຍຮ້ອຍທ່ານຈາກຈີນແລະ 10 ປະເທດອາຊຽນເຂົ້າຮ່ວມ ທັງນຳເອົາຮູບເງົາຈີນ 7 ເລື່ອງເຊັ່ນ: ເລື່ອງ:Wolf Warriors ແລະ Saving Mr.Wu ເປັນຕົ້ນເຂົ້າຮ່ວມເຊັ່ນດຽວກັນ.
ເພື່ອສະຫຼອງວັນສ້າງຕັ້ງອາຊຽນຄົບຮອບ 50 ປີ, ສະມາຄົມຈີນ-ອາຊຽນແລະອົງການຖະແຫຼງຂ່າວ, ພິມຈຳໜ່າຍ ວິທະຍຸໂທລະພາບແລະຮູບເງົາແຫ່ງຊາດຈີນໄດ້ຮ່ວມກັນເປັນເຈົ້າພາບຈັດງານຄັ້ງນີ້ ໂດຍສູນຈີນ-ອາຊຽນເປັນຜູ້ລິເລີ່ມ. ທ່ານ ລິນຢີ ຮອງປະທານສະມາຄົມຈີນ-ອາຊຽນ, ຮອງປະທານສະມາຄົມມິດຕະພາບຕໍ່ຕ່າງປະເທດຂອງປະຊາຊົນຈີນໄດ້ກ່າວປາໄສໃນພິທີໄຂວ່າ: ການຈັດງານຮູບເງົາຈີນ-ອາຊຽນຄັ້ງທຳອິດນີ້ກໍເພື່ອເພີ່ມທະວີການແລກປ່ຽນລະຫວ່າງປະຊາຊົນຈີນແລະປະເທດອາຊຽນ,ຊຸກຍູ້ຄວາມເຂົ້າໃຈດ້ານວັດທະນະທຳລະຫວ່າງສອງຝ່າຍ ແລະເປີດກວ້າງການຮ່ວມມືລະຫວ່າງສອງຝ່າຍໃນຂົງເຂດວັດທະນະທຳ.
ໃນງານຮູບເງົາຄັ້ງນີ້ມີຮູບເງົາ 29 ເລື່ອງຈາກຈີນແລະ 10 ປະເທດອາຊຽນເຂົ້າຮ່ວມ ແລະຈະອັດລົງໃນວັນທີ 4 ທັນວານີ້.