"ພັກກອມມູນິດຈີນ, ຂອບໃຈເຈົ້າທີ່ແບ່ງປັນປະສົບການແລະບົດຮຽນໃຫ້ພວກເຮົາ". ທ່ານອາຄຸຍລິໂນ ໂກໂກ ປິເມັນເທີ, ຜູ້ອຳນວຍການໃຫຍ່ພັກພະລັງປະຊາຊົນປະຊາທິປະໄຕ, ປະທານສະພາສູງຟີລິບປີນກ່າວຢູ່ນະຄອນຫຼວງປັກກິ່ງ ສປ ຈີນໃນວັນທີ 2 ທັນວານີ້.
ໃນໂອກາດຈັດກອງປະຊຸມສົນທະນາລະດັບສູງລະຫວ່າງພັກກອມມູນິດຈີນແລະພັກການເມືອງໃນທົ່ວໂລກໄຂຂຶ້ນຢູ່ນະຄອນຫຼວງປັກກິ່ງ ສປ ຈີນໃນວັນທີ 1 ທັນວານີ້, ໂດຍທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນເຂົ້າຮ່ວມພິທີໄຂປະຊຸມແລະກ່າວສູນທອນພົດນັ້ນໄດ້, ເຮັດໃຫ້ຝ່າຍຕ່າງໆສົນໃຈແລະຕອບຮັບຢ່າງກວ້າງຂວາງ. ເໝືອນດັ່ງທ່ານປິເມັນເທີ ທີ່ເຂົ້າຮ່ວມກອງປະຊຸມຄັ້ງນີ້ໄດ້ກ່າວວ່າ, ເນື້ອໃນສູນທອນພົດທີ່ປະທັບໃຈທີ່ສຸດກໍຄື, ການພັດທະນາຂອງຈີນຈະເຮັດໃຫ້ປະຊາຊົນທົ່ວໂລກໄດ້ຮັບຜົນປະໂຫຍດ. ນີ້ແມ່ນຂ່າວດີສຳລັບປະເທດຕ່າງໆໃນໂລກ, ເຊິ່ງຕົນກໍຈະນຳເອົາຂ່າວນີ້ກັບຄືນເມື່ອໂຄສະນາຢູ່ປະເທດຕົນ.
ໃນໂອກາດກ່າວເຖິງຄວາມໝາຍຂອງກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ຕໍ່ທົ່ວໂລກນັ້ນ, ທ່ານ ປິເມັນເທີ ເຫັນວ່າ, ກອງປະຊຸມດັ່ງກ່າວໄດ້ວາງແຜນໃຫ້ແກ່ການພັດທະນາສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່, ເຊິ່ງນີ້ແມ່ນສິ່ງສຳຄັນທີ່ສຸດ, ແລະໄດ້ສະໜອງຮູບການພັດທະນາໃໝ່ໃຫ້ແກ່ປະເທດອື່ນທີ່ສາມາດຮ່ຳຮຽນໄດ້.
 |
