ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ​ກ່າ​ວ​ວ່າ: ມະ​ຕິ​ຂອງ​ສ​ະ​ພາ​ຄວາມ​ໝັ້ນ​ຄົງ​ແມ່ນ​ຄວາມ​ຮັບ​ຜິດ​ຊອບ​ສາ​ກົນ​ທີ່​ທຸກ​ຝ່າຍ​ຄວນ​ປະ​ຕິ​ບັດ​ຮ່ວມ
2017-12-04 16:42:12  cri 
ໂອ​ກາດ​ຕອບ​ຄຳ​ຖາມ​ນັກ​ຂ່າວ​ກ່ຽວ​ກັບ​ສະ​ພາບ​ການ​ແຫຼມ​ເກົາ​ຫຼີໃນ​ວັນ​ທີ 4 ທັນ​ວາ​ນີ້, ທ່ານ​ຫວາງ​ຢີ້, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ​ກ່າວ​ວ່າ, ປະ​ເທດ​ຕົນ​ຍຶດ​ໝັ້ນ​ປະ​ຕິ​ບັດ​ຕາມ​​ມະ​ຕິ​ຕ່າງໆຂອງ​ສະ​ພາ​ຄວາມ​ໝັ້ນ​ຄົງ​ຢ່າງ​ເຂັ້ມ​ງວດ​ແລະ​ຮອບ​ດ້ານ. ຂະ​ນະ​ດຽວ​ກັນ​ປະ​ເທດ​ຕົນ​ກໍ​ຄັດ​ຄ້ານ​ການ​ກະ​ທຳ​ໃດໆ​ທີ່​ຈະ​ເຮັດ​ໃຫ້​ສະ​ຖາ​ນະ​ການ​ແຫຼມ​ເກົາ​ຫຼີ​ເຄັ່ງ​ຕຶງ​ຂຶ້ນ​, ແລະຍຶດ​ໝັ້ນ​ຊຸກ​ຍູ້​ການ​ເຈ​ລະ​ຈາ​ໂດຍ​ສັນ​ຕິ​ຢ່າງ​ບໍ່​ລົດ​ລະ, ​ເຊິ່ງນີ້​ກໍ​ຄື​ຄວາມ​ຮຽກ​ຮ້ອງ​ທີ່​ກອງ​ປະ​ຊຸມ​ສະ​ພາ​ຄວາມ​ໝັ້ນ​ຄົງ​ທຸກ​ຄັ້ງ​ສະ​ເໜີ​ອອກ​ມາ.

​ພາຍ​ຫຼັງຫວ່າງ​ມໍ່ໆ​ມາ​ນີ້, ສປ​ປ ເກົາ​ຫຼີ​ໄດ້​ທົດ​ລອງ​ຍິງ​ຂີ​ປະ​ນາ​ວຸດ​ອີກ​ເທື່ອ​ໜຶ່ງ, ອາ​ເມ​ລິ​ກາ​ແລະ​ປະ​ເທດ​ອື່ນໆ​ກໍ​ກຽມ​ຈະ​ເພີ່ມ​ການຂວ້ຳ​ບາດ​ຕໍ່​ປະ​ເທດ​ດັ່ງ​ກ່າວ​ຢ່າງ​ໜັກ, ເຊິ່ງ​ໃນ​ເລື່ອງ​ນີ້, ທ່ານ​ຫວາງ​ຢີ້​ກ່າວ​ເນັ້ນ​ວ່າ, ສະ​ຖາ​ນະ​ການ​ແຫຼມ​ເກົາ​ຫຼີ​ເຄັ່ງ​ຕຶງ​ຂຶ້ນ​ອີກ​ຫຼັງ​​ອ່າວ​ໝັ້ນ​ທ່ຽງໃນ​ສອງ​ເດືອນ​ຜ່ານ​ມາ, ແລະບັນ​ດາ​ຝ່າຍ​ທີ່​ກ່ຽວ​ຂ້ອງ​​ກໍບໍ່​ໄດ້​ກຳ​ໂອ​ກາດ​ທີ່​ຈີນ​ຮຽ​ກ​ຮ້ອງ​ໃນ​ເມື່ອ​ກ່ອນ, ​ເຊິ່ງ​ເປັນ​ເລື່ອງ​ທີ່​ໜ້າ​ເສຍ​ດາຍ​ທີ່​ສຸດ. ​ແນວ​ໃດ​ກໍ​ດີ, ປະ​ເທດ​ຕົນ​ຍາມ​ໃດ​ກໍ​ມີ​ທ່າ​ທີ​ເປີດ​ເຜີຍ​ຕໍ່​ເຈດ​ຈຳ​ນົງ​ໃໝ່​ແລະ​ຄວາມ​ເຫັນ​ໃໝ່​ທີ່​ຝ່າຍ​ຕ່າງໆ​ສະ​ເໜີ, ແຕ່​​ຄຳ​ເຫັນ​ເຫຼົ່າ​ນີ້​​ຄວນ​ປະ​ຕິ​ບັດ​ຫຼັກ​ໝັ້ນ​ຮ່ວມ​ກໍ​ຄື​ຕ້ອງ​ຖືກຕາມ​ຂໍ້​ກຳ​ນົດ​ແລະ​​ຈິດ​ໃຈ​ໃນ​ມະ​ຕິ​ທີ່​ກ່ຽວ​ຂ້ອງ​ຂອງ​ສະ​ພາ​ຄວາມ​ໝັ້ນ​ຄົງ​ອົງ​ການ​ສະ​ຫະ​ປະ​ຊາ​ຊາດ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ