ທ່ານເກິງສວງ ໂຄສົກກະຊວງການຕ່າງປະເທດຈີນຖະແຫຼງໃນວັນທີ 4 ທັນວານີ້ວ່າ: ເກາະຕ້ຽວຢູພ້ອມດ້ວຍເກາະຕ່າງໆທີ່ຢູ່ບໍລິເວນອ້ອມຂ້າງເປັນດິນແດນຂອງຈີນມາແຕ່ບູຮານນະການ ແລະຈາກນີ້ຈີນຈິ່ງຕັດສິນໃຈຢ່າງເດັດດຽວໜຽວແໜ້ນໃນການຮັກສາອະທິປະໄຕດິນແດນຂອງປະເທດຕົນ. ບໍ່ວ່າຍີ່ປຸ່ນຈະໃຊ້ກົນອຸບາຍແນວໃດກໍຕາມກໍຈະບໍ່ສາມາດປ່ຽນແປງຄວາມເປັນຈິງທີ່ເກາະຕ້ຽວຢູເປັນດິນແດນຂອງຈີນໄດ້ຢ່າງເດັດຂາດ.
ສື່ມວນຊົນຍີ່ປຸ່ນລາຍງານວ່າ: ເຈົ້າເມືອງອິຊີກາຄິ ແຂວງໂອກີນາວາຈະຍື່ນຍັດຕິຕໍ່ສະພາໃນວັນທີ 4 ທັນວານີ້ເພື່ອປ່ຽນແປງເຂດແບ່ງເຂດບໍລິຫານເກາະຕ້ຽວຢູຈາກໂຕໂນຊີໂລເມືອງອິຊີກາຄິ ໃຫ້ເປັນ ໂຕໂນຊີໂລເຊັນຄາຄູເມືອງອີຊີກາຄິ, ທ່ານເກິງສວງສະແດງຄວາມເຫັນຕໍ່ກໍລະນີນີ້ໂດຍຢືນຢັນວ່າ:
ເກາະຕ້ຽວຢູພ້ອມດ້ວຍເກາະຕ່າງໆທີ່ຢູ່ບໍລິເວນອ້ອມຂ້າງເປັນດິນແດນຂອງຈີນມາແຕ່ບູຮານນະການເຊິ່ງຈີນມີຄວາມຕັດສິນໃຈຢ່າງເດັດດຽວໜຽວແໜ້ນໃນການຮັກສາອະທິປະໄຕດ້ານດິນ ແດນ.ບໍ່ວ່າຍີ່ປຸ່ນຈະໃຊ້ກົນອຸບາຍແນວໃດກໍຕາມກໍຈະບໍ່ສາມາດປ່ຽນແປງຄວາມເປັນຈິງທີ່ ເກາະຕ້ຽວຢູເປັນດິນແດນຂອງຈີນໄດ້.ພວກຂ້າພະເຈົ້າເລັ່ງທວງໃຫ້ຍີ່ປຸ່ນກ້າຜະເຊີນໜ້າກັບປະຫວັດສາດແລະສະພາບຕົວຈິງໃນປັດຈຸບັນ, ຢຸດການກໍ່ເຫດບໍ່ດີຕໍ່ບັນຫານີ້ເພື່ອຫຼີກເວັ້ນບໍ່ໃຫ້ທຳລາຍບັນຍາກາດການພົວພັນລະຫວ່າງສອງປະເທດທີ່ກຳລັງໄດ້ຮັບການປັບປຸງດີຂຶ້ນ.
 |
