ປະລິມານການໃຊ້ຢາປາບສັດຕູພືດຂອງຈີນຫຼຸດລົງ 3 ປີຕິດຕໍ່ກັນ
2017-12-05 16:21:56 cri
ໜັງສືພິມເສດຖະກິດລາຍວັນຂອງຈີນໃຫ້ຮູ້ວ່າ: ກະຊວງກະສິກຳຈີນໄດ້ປະກາດໃນວັນທີ 4 ທັນວານີ້ວ່າ: ບົນພື້ນຖານປະຕິບັດມາດຕະການນຳໃຊ້ຢາປາບສັດຕູພືດຮຸນແຮງ 22 ຊະນິດ ແລະໃຊ້ເວລາ 5 ປີເກືອດຫ້າມການນຳໃຊ້ຢາປາບສັດຕູພືດຮຸນແຮງ 10 ຊະນິດໃນປັດຈຸບັນ 100%, ຫຼຸດຄວາມສ່ຽງດ້ານຄວາມປອດໄພຂອງຄຸນນະພາບນັ້ນ. ທ່ານ ເຈີ່ງຢຽນເຕີ ຫົວໜ້າກົມປູກຝັງກະຊວງກະສິກຳຈີນ,ຫົວໜ້າອົງການຄຸ້ມຄອງຢາປາບສັດຕູພືດໄດ້ກ່າວໃນມື້ດັ່ງກ່າວວ່າ: ເລີ່ມແຕ່ປີ 2015 ເປັນຕົ້ນມາ, ກະຊວງຂອງຕົນໄດ້ຈັດຕັ້ງແລະເຄື່ອນໄຫວຕິດຕາມກວດກາປະລິມານການນຳໃຊ້ຢາປາບສັດຕູພືດບໍ່ໃຫ້ເພີ່ມຂຶ້ນ, ເລັ່ງຊຸກຍູ້ການຫຼຸດປະລິມານການໃຊ້ຢາປາບສັດຕູພືດແລະຍົກປະສິດທິພາບໃຫ້ສູງຂຶ້ນ ເຊິ່ງມາຮອດປັດຈຸບັນໄດ້ຮັບໝາກຜົນຢ່າງຕັ້ງໜ້າ ເປັນຕົ້ນໜຶ່ງແມ່ນປະລິມານການໃຊ້ຢາປາບສັດຕູພືດໄດ້ຫຼຸດລົງ. ຕາມສະຖິຕິ,ປະລິມານການໃຊ້ຢາປາບສັດຕູພືດຂອງຈີນຫຼຸດລົງ 3 ປີຕິດຕໍ່ກັນ. ສອງປະສິດທິພາບຂອງຢາປາບສັດຕູພືດໄດ້ຮັບການຍົກສູງຂຶ້ນ ເຊິ່ງຕາມການຄາດແລະວັດແທກທາງວິທະຍາສາດ ປະສິດທິພາບຂອງຢາປາບສັດຕູພືດປີ 2017 ບັນລຸເຖິງ 38,8%, ເພີ່ມຂຶ້ນ 2,2% ເມື່ອທຽບໃສ່ປີ 2015.