ອົງການສະຫະປະຊາຊາດເປີດເຜີຍໃນວັນທີ 4 ທັນວານີ້ວ່າ, ທ່ານເຈຟເຣ ເຟນແມນ ຮອງເລຂາທິການໃຫຍ່ອົງການສະຫະປະຊາຊາດທີ່ຮັບຜິດຊອບວຽກງານການເມືອງຈະຢ້ຽມຢາມ ສປປ ເກົາຫຼີແຕ່ວັນທີ 5 ຫາວັນທີ 8 ທັນວານີ້, ເພື່ອປຶກສາຫາລືກັບເຈົ້າໜ້າທີ່ ສປປ ເກົາຫຼີກ່ຽວກັບ "ບັນຫາທີ່ສອງຝ່າຍສົນໃຈຮ່ວມ".
ໃນພິທີຖະແຫຼງຂ່າວທີ່ຈັດຂຶ້ນໃນມື້ດັ່ງກ່າວ, ທ່ານສະເຕຟານ ດູຈາຣິກ, ໂຄສົກເລຂາທິການໃຫຍ່ອົງການສະຫະປະຊາຊາດກ່າວວ່າ, ໃນໄລຍະຢ້ຽມຢາມ ສປປ ເກົາຫຼີ, ທ່ານເຟນແມນ ຈະພົບປະກັບສະມາຊິກຂອງໜ່ວຍງານປະເທດແລະຄະນະທູດຂອງອົງການສະຫະປະຊາຊາດ, ແລະຢ້ຽມຢາມໂຄງການຂອງອົງການຕົນ. ໃນໂອກາດຕອບຄຳຖາມຂອງນັກຂ່າວ, ທ່ານດູຈາຣິກ ກ່າວວ່າ, ການຢ້ຽມຢາມຂອງທ່ານເຟນແມນ ກຳນົດພຽງແຕ່ນະຄອນຫຼວງພຽງຢາງເທົ່ານັ້ນ.