ບໍລິສັດການບິນທຸລະກິດຈີນຈຳກັດເປີດເຜີຍໃນວັນທີ 5 ທັນວານີ້ວ່າ, ບໍລິສັດການເຊົ່າການເງິນຂອງທະນາຄານອຸດສາຫະກຳການຄ້າຈີນຈຳກັດໄດ້ເຊັນສັນຍາການຈັດຊື້ເຮືອບິນໂດຍສານ C919 55 ລຳກັບບໍລິສັດຕົນ, ສົ່ງຜົນເຮັດໃຫ້ປັດຈຸບັນມີການຈອງຊື້ເພີ່ມຂຶ້ນເປັນ 785 ລຳ.
ເຮືອບິນໂດຍສານຂະໜາດໃຫຍ່ C919 ແມ່ນເຮືອບິນໂດຍສານໃຊ້ທາງພົນລະເຮືອນຂະໜາດໃຫຍ່ທີ່ຈີນຄົ້ນຄວ້າຜະລິດດ້ວຍຕົນເອງ, ມີສິດຊັບສິນທາງປັນຍາ 100% ແລະຖືກຕາມມາດຕະຖານການບິນສາກົນ, ກ່ອນໜ້ານີ້ຄືວັນທີ 5 ພຶດສະພາ 2017 ໄດ້ສຳເລັດການບິນຄັ້ງທຳອິດຢູ່ນະຄອນຊຽງໄຮ. ແລະໃນວັນທີ 10 ພະຈິກຜ່ານມາ, ເຮືອບິນໂດຍສານ C919 ລຳທຳອິດໄດ້ບິນຈາກພູຕົ່ງນະຄອນຊຽງໄຮໄປສູ່ເມືອງຢຽນລຽງນະຄອນຊີ່ອ່ານເພື່ອດຳເນີນການທົດລອງການບິນ.