ວັນທີ 5 ທັນວານີ້, ທ່ານໂຣເບິດ ມາດີນີ ເຈົ້າໜ້າທີ່ຮັບຜິດຊອບວຽກງານພາກພື້ນຕາເວັນອອກກາງຂອງສະພາກາແດງສາກົນເປີດເຜີຍຢູ່ສື່ສັງຄົມອ໋ອນລາຍວ່າ: ເຫດການຍິງປະທະກັນຢູ່ນະຄອນຫຼວງຊານາປະເທດເຢເມນໄດ້ເຮັດໃຫ້ມີຜູ້ເສຍຊີວິດ 234 ຄົນ ແລະ 400 ຄົນບາດເຈັບ, ໃນນີ້ 383 ຄົນບາດເຈັບສາຫັດ.
ກ່ອນໜ້ານີ້ມື້ດຽວຄືວັນທີ 4, ທ່ານອາລີ ອັບດູນລາ ຊາເລກ ອະດີດປະທານາທິບໍດີເຢເມນໄດ້ຖືກກຸ່ມປະກອບອາວຸດຮູຊີຍິງເສຍຊີວິດຂະນະທີ່ທ່ານຊາເລກ ພ້ອມດ້ວຍຮອງເລຂາທິການໃຫຍ່ພັກສະພາປະຊາຊົນທົ່ວປະເທດເຢເມນເດີນທາງຈາກຊານາໄປເຂດທີ່ຄຸ້ມຄອງໂດຍທະຫານລັດຖະບານ.