ກະຊວງການຄ້າຈີນລາຍງານວ່າ: ກ່ອນໜ້ານີ້ບໍ່ດົນ, ທະນາຄານກາງອິນໂດເນເຊຍໄດ້ເລີ່ມນຳໃຊ້ລະບົບເຄືອຂ່າຍຊຳລະສະສາງຂອງລັດຫຼື National payment networkເຊິ່ງເປັນລະບົບຊຳລະສະສາງສັງລວມ ທີ່ກວມເອົາລະບົບຊຳລະສະສາງຂອງທະນາຄານຕ່າງໆເພື່ອປະມວນຜົນເປັນເອກະພາບກັນ.
ທ່ານອາກູສ ມາໂຕວາໂດໂຈ ຜູ້ວ່າການທະນາຄານກາງອິນໂດເນເຊຍຢືນຢັນວ່າ, ກ່ອນໜ້ານີ້, ລະບົບການຊຳລະສະສາງຂອງທະນາຄານກາງບໍ່ໄດ້ເຊື່ອມໂຍງເຂົ້າກັບລະບົບຊຳລະສະສາງສ່ວນບຸກຄົນທີ່ພັດທະນາໂດຍທະນາຄານແຕ່ລະແຫ່ງ.ດ້ວຍເຫດນີ້, ຈິ່ງບໍ່ສາມາດແກ້ໄຂບັນຫາການຊຳລະສະສາງລະຫວ່າງທະນາຄານຕ່າງໆໄດ້. ຈາກນີ້,4 ບໍລິສັດທີ່ໃຫ້ການບໍລິການຊຳລະສະສາງລະຫວ່າງທະນາຄານຈະລວມເປັນກຸ່ມບໍລິສັດໜຶ່ງເພື່ອຮ່ວມກັນຊົມໃຊ້ສິ່ງອຳນວຍຄວາມສະດວກເຊິ່ງຈະສາມາດຫຼຸດຕົ້ນທຶນການຊຳລະສະສາງລະຫວ່າງທະນາຄານ ແລະເຫັນໄດ້ຈາກ ທຳມະດາແລ້ວ, ທະນາຄານຈະເກັບຄ່າບໍລິການ 2%- 3% ຈາກລູກຄ້າທີ່ໃຊ້ບັດທະນາຄານອື່ນ, ແຕ່ພາຍຫຼັງທີ່ທະນາຄານຕ່າງໆຮ່ວມກັນຊົມໃຊ້ສິ່ງອຳນວຍຄວາມສະດວກແລ້ວຈະເກັບຄ່າບໍລິການພຽງ 1% ເທົ່ານັ້ນ.