ວັນທີ 6 ທັນວານີ້, ຄະນະກຳມະການສູນກາງຄວບຄຸມຢາເສບຕິດມຽນມາ ແລະຫ້ອງການວຽກງານຢາເສບຕິດ ແລະອາຊະຍາກຳຂອງອົງການສະຫະປະຊາຊາດໄດ້ເປີດເຜີຍຢູ່ນະຄອນຫຼວງເນປີດໍວ່າ: ປີ 2017 ມຽນມາມີເນື້ອທີ່ປູກຝິ່ນເຖິງ 41 ພັນເຮັກຕາເມື່ອທຽບໃສ່ປີ 2015 ຫຼຸດລົງ 25%.
ທ່ານ ດອກລະສ ຜູ້ຕາງໜ້າເຂດອາຊີຕາເວັນອອກສຽງໃຕ້ ແລະປາຊີຟິກຂຶ້ນກັບຫ້ອງການວຽກງານຢາເສບຕິດ ແລະອາຊະຍາກຳຂອງອົງການສປຊກ່າວວ່າ: ຫ້ອງການຕົນຈະສືບຕໍ່ສະໜັບສະໜູນມຽນມາຫຼຸດອອກຈາກການປູກຝິ່ນ ແລະຫາຊ່ອງທາງປູກພືດເສດຖະກິດທົດແທນຢ່າງຍືນຍົງ.
ທ່ານກຽວ ທິນ ສເວ ລັດຖະມົນຕີກະຊວງພາຍໃນມຽນມາໃຫ້ຄຳໝັ້ນສັນຍາວ່າ: ຈະປະຕິບັດມາດຕະການຢ່າງມີປະສິດທິຜົນຕ້ານການຜະລິດຢາຝິ່ນ, ເຮໂລອິນ ແລະອື່ນໆ ແລະຮັບມືກັບບັນຫາຢາເສບຕິດຮ່ວມກັບຫ້ອງການດັ່ງກ່າວ ແລະບັນດາປະເທດອ້ອມຂ້າງ.