ກອງປະຊຸມສິ່ງແວດລ້ອມອົງການສະຫະປະຊາຊາດຄັ້ງທີ 3 ທີ່ຈັດຂຶ້ນຢູ່ສຳນັກງານໃຫຍ່ອົງການວາງແຜນສິ່ງແວດລ້ອມອົງການສະຫະປະຊາຊາດ ທີ່ນະຄອນຫຼວງເນໂຣບີປະເທດເກນຢາເປັນເວລາ 3 ວັນໄດ້ອັດລົງໃນວັນທີ 6 ທັນວານີ້ ໂດຍຜູ້ແທນທີ່ເຂົ້າຮ່ວມໄດ້ຮຽກຮ້ອງໃຫ້ປະສານງານຢ່າງກວ້າງຂວາງແລະທັນການ ເພື່ອປ້ອງກັນມົນລະພິດ ແລະ ໃຫ້ຄຳໝັ້ນສັນຍາວ່າຈະຮ່ວມກັນປົກປັກຮັກສາສຸຂະພາບ ແລະ ສິ່ງແວດລ້ອມໃນການດຳລົງຊີວິດຂອງມະນຸດ.
ກອງປະຊຸມຄັ້ງນີ້ໄດ້ເປີດເຜີຍຖະແຫຼງການລັດຖະມົນຕີສິ່ງແວດລ້ອມສະບັບທຳອິດຂອງກອງປະຊຸມ ໂດຍລະບຸວ່າ, ບັນດາປະເທດຈະສະໜັບສະໜູນການປ້ອງກັນແລະຄວບຄຸມມົນລະພິດທາງອາກາດ, ດິນ ແລະນ້ຳ ເຊິ່ງມົນລະພິດດັ່ງກ່າວໄດ້ກະທົບເຖິງສຸຂະພາບຂອງມະນຸດ, ລະບົບນິເວດ ແລະ ການພັດທະນາເສດຖະກິດ.
ກອງປະຊຸມຍັງໄດ້ຜ່ານມະຕິທີ່ບໍ່ຜູກມັດ ແລະ 3 ຂໍ້ຕົກລົງ ໃນການຮັບມືບັນຫາຂີ້ເຫຍື້ອທະເລ, ຢາງປຣາສຕິກ, ປ້ອງກັນແລະຄວບຄຸມມົນລະພິດທາງອາກາດ, ບັນຫາມົນລະພິດຊືນຈາກສີນ້ຳມັນທາເຮືອນ ແລະ ຖ່ານໄຟ, ປ້ອງກັນມົນລະພິດຕໍ່ລະບົບນິເວດນ້ຳ ແລະ ຕໍ່ຕ້ານມົນລະພິດທາງດິນ.