ໃນໂອກາດທ່ານວາງຢີ້ ລັດຖະມົນຕີກະຊວງການຕ່າງປະເທດຈີນເຂົ້າຮ່ວມເວທີປຶກສາສິດທິມະນຸດໃຕ້-ໃຕ້ຄັ້ງທຳອິດຢູ່ປັກກິ່ງ ໃນວັນທີ 7ທັນວານີ້, ທ່ານໄດ້ກ່າວປາໄສວ່າ: ປະເທດທີ່ກຳລັງພັດທະນາເປັນກຳລັງສຳຄັນໃນການຊຸກຍູ້ການສົ່ງເສີມຄວາມກ້າວໜ້າດ້ານສິດທິມະນຸດຕ້ອງໄດ້ກຳແໜ້ນສະຖານະການຫຼັກຂອງໂລກ, ກ້າວຕາມຄວາມຕ້ອງການຂອງຍຸກສະໄໝ, ສົ່ງເສີມການສ້າງສາຍພົວພັນສາກົນແບບໃໝ່ຄືເຄົາລົບເຊິ່ງກັນ ແລະກັນ, ຍຸຕິທຳ ແລະຮ່ວມມືແບບຕ່າງຝ່າຍຕ່າງມີຜົນປະໂຫຍດ, ສົ່ງເສີມການສ້າງປະຊາຄົມຮ່ວມຊາຕາກຳມວນມະນຸດ ແລະພະຍາຍາມເພື່ອບັນລຸຄວາມກ້າວໜ້າທາງສັງຄົມ, ປັບປຸງຊີວິດການເປັນຢູ່ ແລະເສລີພາບຂຶ້ນພື້ນຖານຂອງປະຊາຊົນໃຫ້ດີຂຶ້ນ.
ທ່ານກ່າວຕື່ມວ່າ: ເພື່ອບັນລຸເປົ້າໝາຍດັ່ງກ່າວຕ້ອງໄດ້ປະຕິບັດ 4 ດ້ານຄື ໜຶ່ງ, ຍຶດໝັ້ນສົ່ງເສີມສິດທິມະນຸດໂດຍສັນຕິ; ສອງ, ຍຶດໝັ້ນສົ່ງເສີມສິດທິມະນຸດດ້ວຍການພັດທະນາ; ສາມ, ຍຶດໝັ້ນສົ່ງເສີມສິດທິມະນຸດດ້ວຍການຮ່ວມມື; ສີ່, ຍຶດໝັ້ນສົ່ງເສີມສິດທິມະນຸດດ້ວຍຄວາມຍຸດຕິທຳ.
 |
