ຮອດປີ 2020 ຈີນຈະສຳເລັດການສ້າງລະບົບຄົມມະນາຄົມຂົນສົ່ງສີຂຽວ
2017-12-08 16:48:13 cri
ຫວ່າງມໍ່ໆນີ້, ກະຊວງຄົມມະນາຄົມຂົນສົ່ງຈີນ ໄດ້ອອກ "ຄວາມເຫັນກ່ຽວກັບການລົງເລິກຊຸກຍູ້ການພັດທະນາຄົມມະນາຄົມສີຂຽວຢ່າງຮອບດ້ານ" ໂດຍກຳນົດຢ່າງຈະແຈ້ງວ່າ, ຮອດປີ 2020 ຈະ ສຳເລັດການສ້າງລະບົບຄົມມະນາຄົມຂົນສົ່ງສີຂຽວທີ່ມີອົງປະກອບຕາມຫຼັກວິທະຍາສາດ, ເປັນມິດຕໍ່ສິ່ງແວດລ້ອມ, ໃຊ້ພະລັງງານສະອາດທີ່ລະບາຍກາກບອນຕ່ຳ ແລະ ມີປະສິດທິຜົນສູງ; ຂະນະທີ່ຮອດປີ 2035 ຈະເຮັດໃຫ້ເກີດສະພາບການໃໝ່ແຫ່ງການພັດທະນາຄົມມະນາຄົມຂົນສົ່ງທີ່ສອດຄ່ອງກັບຄວາມທົນທານຂອງຊັບພະຍາກອນແລະສິ່ງແວດລ້ອມ ແລະປະສົມປະສານກັບການຜະລິດ, ການດຳລົງຊີວິດ ແລະນິເວດຢ່າງກົມກຽວກັນ, ເຮັດໃຫ້ຄົມມະນາຄົມສີຂຽວ ສອດຄ່ອງກັບຄວາມຮຽກຮ້ອງຕ້ອງການແຫ່ງການສ້າງປະເທດເຂັ້ມແຂງດ້ານຄົມມະນາຄົມໂດຍລວມ ແລະສະໜັບສະໜູນຢ່າງເປັນຮູບປະທຳຕໍ່ການບັນລຸເປົ້າໝາຍໃຫ້ສິ່ງແວດລ້ອມທຳມະຊາດຂອງຊາດດີຂຶ້ນໂດຍພື້ນຖານ ແລະສ້າງປະເທດຈີນທີ່ສວຍງາມໃຫ້ສຳເລັດໂດຍພື້ນຖານ.
