ທ່ານເຊີເກີ ຣິຢັບຄົຟ, ຮອງລັດຖະມົນຕີກະຊວງການຕ່າງປະເທດຣັດເຊຍກ່າວໃນວັນທີ 9 ທັນວານີ້ວ່າ, ປະເທດຕົນເຕືອນອາເມລິກາອີກເທື່ອໜຶ່ງວ່າທຳລາຍ "ສົນທິສັນຍາທຳລາຍຂີປະນາວຸດໄລຍະສັ້ນແລະໄລຍະກາງ" ອາດຈະກະທົບເຖິງການຄວບຄຸມກຳລັງອາວຸດແລະກົນໄກບໍ່ແຜ່ຜາຍອາວຸດນິວເຄຼຍ, ອາເມລິກາຄວນເຂົ້າໃຈຄວາມຮັບຜິດຊອບຂອງຕົນ.
ທ່ານ ຣິຢັບຄົຟ ກ່າວວ່າ, ໃນບັນຫາ "ສົນທິສັນຍາທຳລາຍຂີປະນາວຸດໄລຍະສັ້ນແລະໄລຍະກາງ" ອາເມລິກາຂົ່ມຊູ່ປະເທດຕົນອີກໂດຍອ້າງຈະຂວ້ຳບາດ, ເຊິ່ງການກະທຳດັ່ງກ່າວແມ່ນຕະຫຼົກຫຼາຍ. ອາເມລິກາຄວນເຂົ້າໃຈວ່າ, ໃຊ້ກຳລັງໜີບດ້ານເສດຖະກິດແລະການທະຫານຕໍ່ຣັດເຊຍຈະບໍ່ເປັນຜົນແຕ່ຢ່າງໃດເລີຍ.
ທັງນີ້ໂຄສົກກະຊວງການຕ່າງປະເທດອາເມລິກາກ່າວໃນວັນທີ 8 ທັນວານີ້ວ່າ, ອາເມລິກາຈະບໍ່ປ່ອຍປະລະເລີຍຕໍ່ຣັດເຊຍທີ່ທຳລາຍ "ສົນທິສັນຍາທຳລາຍຂີປະນາວຸດໄລຍະສັ້ນແລະໄລຍະກາງ" . ປະເທດຕົນຈະສືບຕໍ່ຊອກຫາວິທີແກ້ໄຂໂດຍຜ່ານວິທີທາງການທູດ, ຂະນະດຽວກັນກໍຈະໃຊ້ວິທີທາງເສດຖະກິດແລະການທະຫານເພື່ອບັງຄັບໃຫ້ຣັດເຊຍປະຕິບັດຕາມ "ສົນທິສັນຍາທຳລາຍຂີປະນາວຸດໄລຍະສັ້ນແລະໄລຍະກາງ" ຄືນໃໝ່.