ທ່ານຢູທຽນສີ ຮອງເລຂາພັກຫ້ອງການພາສາຈີນແຫ່ງຊາດຈີນແລະສຳນັກງານໃຫຍ່ສະຖາບັນຂົງຈື້ໄດ້ເປີດເຜີຍໃນພິທີຖະແຫຼງຂ່າວຂອງກອງປະຊຸມສະຖາບັນຂົງຈື້ຄັ້ງທີ 12 ທີ່ຈັດຂຶ້ນຢູ່ນະຄອນຊີ່ອ່ານ ແຂວງສ້ານຊີ່ ສປ ຈີນໃນວັນທີ 10 ທັນວານີ້ວ່າ: ກອງປະຊຸມສະຖາບັນຂົງຈື້ຄັ້ງທີ 12 ຈະຈັດຂຶ້ນຢູ່ນະຄອນຊີ່ອ່ານແຕ່ວັນທີ 12-13 ທັນວານີ້ໂດຍເນັ້ນຫົວຂໍ້ "ລົງເລິກການຮ່ວມມື, ພັດທະນາດ້ວຍການປະດິດສ້າງ, ປະກອບສ່ວນເພື່ອການສ້າງປະຊາຄົມຮ່ວມຊາຕາກຳມວນມະນຸດ".ໃນໄລຍະກອງປະຊຸມດັ່ງກ່າວຍັງຈະມີການຈັດງານວາງສະແດງຜົນສຳເລັດການສ້າງສະຖາບັນຂົງຈື້, ງານວາງສະແດງປຶ້ມແບບຮຽນພາສາຈີນ, ງານວາງສະແດງອາຫານຈີນ, ງານວາງສະແດງຜະລິດຕະພັນປະດິດສ້າງດ້ານວັດທະນະທຳແລະຜົນງານສິລະປະການຂຽນຕົວໜັງສືຂອງສະຖາບັນສິລະປະການຂຽນຕົວໜັງສືຈີນ ແລະກິດຈະກຳອື່ນໆ.
ປັດຈຸບັນ, ໃນທົ່ວໂລກ ມີສະຖາບັນຂົງຈື້ທັງໝົດ 525 ແຫ່ງ ແລະຫ້ອງຮຽນຂົງຈື້ຊັ້ນປະຖົມແລະມັດທະຍົມ 1113 ແຫ່ງຢັ່ງຢາຍຢູ່ໃນ 146 ປະເທດແລະເຂດແຄວ້ນ, ໃນນີ້, ສະເພາະແຕ່ 53 ປະເທດທີ່ຢູ່ລຽບຕາມ "ໜຶ່ງແລວທາງໜຶ່ງເສັ້ນທາງ"ມີສະຖາບັນຂົງຈື້ເຖິງ 140 ແຫ່ງແລະຫ້ອງຮຽນຂົງຈື້ 136 ແຫ່ງ.
 |
