ງານທ່ອງທ່ຽວດ່ານຊານແດນຈີນ-ຫວຽດນາມຜິງສຽງກວາງຊີ 2017 ແລະງານຊື້ຂາຍສິນຄ້າຈີນ-ຫວຽດນາມຄັ້ງທີ 25 ໄດ້ຈັດຂຶ້ນຢູ່ດ່ານມິດຕະພາບເມືອງຜິງສຽງ ເຂດປົກຄອງຕົນເອງເຜົ່າຈ້ວງກວາງຊີ ປສ ຈີນໃນວັນທີ 11 ທັນວານີ້ໂດຍແຂກຖືກເຊີນແລະນັກທຸລະກິດຈາກຈີນແລະປະເທດອາຊຽນເປັນຕົ້ນ ຫວຽດນາມ, ໄທ, ມາເລເຊຍ,ມຽນມາແລະລາວເຂົ້າຮ່ວມ.
ໃນພິທີເປີດງານດັ່ງກ່າວ, ທ່ານອູສຽວຮຸ່ຍ ເຈົ້າເມືອງຜິງສຽງແລະຜູ້ຕາງໜ້າປະເທດອາຊຽນໄດ້ຮ່ວມກັນເປີດໃຊ້ເວັບໄຊບໍລິການມວນຊົນຕົວເມືອງສະມາດຜິງສຽງ ແລະຜູ້ຕາງໜ້າວິສາຫະກິດຈີນແລະອາຊຽນ 11 ແຫ່ງໄດ້ຮ່ວມກັນອອກຖະແຫຼງການຮ່ວມຂອງບໍລິສັດຈໍລະຈອນສິນຄ້າຕົວເມືອງສຳຄັນຕາມທາງຜ່ານທິດໃຕ້ເພື່ອການເຊື່ອມຈອດຈີນ-ສິງກະໂປ.