ຫວ່າງມໍ່ໆມານີ້, ທ່ານ ມູຮຳມັດ ອິບຣາຮີມ ຜູ້ອຳນວຍການໃຫຍ່ທະນາຄານແຫ່ງຊາດມາເລເຊຍກ່າວໃນຂະນະທີ່ເຂົ້າຮ່ວມ "ກອງປະຊຸມເວທີປຶກສາຫາລືລະບົບການຈ່າຍເງິນ" ວ່າ: ເພື່ອໃຫ້ຖືກກັບກາລະເທສະທາງເສດຖະກິດດີຈິຕອນ, ທະນາຄານແຫ່ງຊາດມາເລເຊຍໄດ້ພະຍາຍາມລິເລີ່ມໃຊ້ວິທີການຈ່າຍເງິນຜ່ານທາງເອເລັກໂຕຣນິກຢ່າງແຂງແຮງ ໂດຍສອງມາດຕະການດັ່ງກ່າວລວມທັງການຍົກເລີກຄ່າທຳນຽມການໂອນເງິນແບບດ່ວນຂອງສ່ວນບຸກຄົນ ແລະວິສາຫະກິດຂະໜາດກາງແລະນ້ອຍ ກໍຄືຍົກຄ່າທຳນຽມການໃຊ້ເຊັກໃຫ້ສູງຂຶ້ນ.
ນັບແຕ່ປີ 2009 ເປັນຕົ້ນມາ, ຝ່າຍທີ່ກ່ຽວຂ້ອງຂອງມາເລເຊຍໄດ້ລົງທຶນ 893 ລ້ານລິງກິດເພື່ອຍົກລະດັບການກໍ່ສ້າງພື້ນຖານໂຄງລ່າງດ້ານການຈ່າຍເງິນດ້ວຍລະບົບເອເລັກໂຕຣນິກ. ທ່ານ ມູຮຳມັດ ອິບຣາຮີມ ກ່າວວ່າ: "ປະຊາຊົນມາເລເຊຍສ່ວນຫຼາຍມີບັດບັນຊີທະນາຄານແລະມືຖືແລ້ວ, ປັດຈຸບັນຢູ່ປະເທດເຮົາໄດ້ມີບັດທະນາຄານ 45,4 ລ້ານບັດ ແລະ ໂທລະສັບມືຖື 42,8 ລ້ານເລກໝາຍ. ພວກເຮົາຄວນນຳໃຊ້ທ່າແຮງນີ້ຢ່າງເຕັມປ່ຽມແລະເຮັດໃຫ້້ວິທີການຈ່າຍເງິນແບບນີ້ໄດ້ຮັບການປັບປຸງໃຫ້ສະດວກຂຶ້ນ".