ວັນທີ 11 ທັນວານີ້ ຢູ່ເຂດແມນຮັດຕັນນະຄອນນິວຢອກປະເທດອາເມລິກາໄດ້ເກີດເຫດລະເບີດ ສົ່ງຜົນໃຫ້ 4 ຄົນໄດ້ຮັບບາດເຈັບ.
ຕາມສື່ມວນຊົນທ້ອງຖິ່ນລາຍງານວ່າ: ເຫດລະເບີດດັ່ງກ່າວໄດ້ເກີດຂຶ້ນໃນເວລາມີຜູ້ຄົນເດີນຢູ່ຕາມທ້ອງຖະໜົນຢ່າງໜາແໜ້ນ, ຈຸດລະເບີດຢູ່ທີ່ສະຖານີລົດເມໂດຍສານຂອງພະແນກວຽກງານທ່າກຳປັ່ນນິວຢອກ ຖະໜົນ 42 ເສັ້ນທີ 8 ຂອງແມນຮັດຕັນ, ຫ່າງສະໜາມຫຼວງນິວຢອກທາມສ໌ບໍ່ໄກ. ຜົນກະທົບຈາກເຫດລະເບີດເຮັດໃຫ້ເສັ້ນທາງລົດໄຟໃຕ້ດິນ ແລະເສັ້ນທາງລົດເມຫຼາຍເສັ້ນຄ້ອງປິດບໍລິການ.
ຂ່າວແຈ້ງວ່າ: ລະເບີດທີ່ແຕກໃນຄັ້ງນີ້ອາດຈະເປັນລະເບີດແບບປະດິດດ້ວຍຕົນເອງ.
ກົມຕຳຫຼວດນິວຢອກໄດ້ໂພສ໌ຂ່າວທາງສື່ສັງຄົມອອນລາຍວ່າ, ຕຳຫຼວດໄດ້ຈັບຕົວຊາຍຜູ້ໜຶ່ງທີ່ເປັນຜູ້ຕ້ອງສົງໄສໄວ້ແລ້ວ.