ວັນທີ 11 ທັນວານີ້, ທ່ານ ປາຍທ່ຽນ ເອກອັກຄະລັດຖະທູດຈີນປະຈຳມາເລເຊຍກ່າວຢູ່ນະຄອນຫຼວງກົວລາລຳເປີປະເທດມາເລເຊຍວ່າ: ການຮ່ວມມືດ້ານເສດຖະກິດການຄ້າລະຫວ່າງສອງປະເທດມີຄວາມສາມາດບົ່ມຊ້ອນອັນໃຫຍ່ຫຼວງ ແລະມີອະນາຄົດທີ່ກວ້າງໄກ.
ທ່ານ ປາຍທ່ຽນ ເອກອັກຄະລັດຖະທູດວິສາມັນຜູ້ມີອຳນາດເຕັມທີ່ໄດ້ຮັບການແຕ່ງຕັ້ງໃໝ່ຂອງ ສປ ຈີນປະຈຳມາເລເຊຍໄດ້ກ່າວຄຳປາໄສນີ້ໃນງານລ້ຽງທີ່ຈັດຂຶ້ນໃນວັນທີ 28 ພະຈິກທີ່ຜ່ານມາ.
ທ່ານຊີ້ໃຫ້ເຫັນວ່າ: ພາຍໃຕ້ສະພາບການເສດຖະກິດໂລກາພິວັດນັບມື້ຂະຫຍາຍລົງສູ່ລວງເລິກ ແລະ ໃນເວລາທີ່ຈີນແລະມາເລເຊຍພວມຮ່ວມກັນສ້າງໜຶ່ງແລວທາງໜຶ່ງເສັ້ນທາງ, ສອງປະເທດຄວນກຳທິດແຫ່ງການພັດທະນາໃນຍຸກໃໝ່, ກຳແໜ້ນໂອກາດຂອງການພັດທະນາໃຫ້ດີ, ຍົກລະດັບຂອງການຮ່ວມມືໃຫ້ສູງຂຶ້ນ. ເພື່ອຊຸກຍູ້ເລື່ອງນີ້ໃຫ້ເຂົ້າສູ່ຄວາມສຳເລັດ, ຝ່າຍຈີນຈະທຳຄວາມພະຍາຍາມຄືໜຶ່ງ,ຈະສືບຕໍ່ສຸມໃສ່ເປີດກວ້າງການຄ້າສອງຝ່າຍ； ສອງ, ຈະສືບຕໍ່ສຸມໃສ່ຊຸກຍູ້ການລົງທຶນ；ສາມ, ຈະສືບຕໍ່ສຸມໃສ່ບັນລຸການຮ່ວມມືແບບຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດ.
 |
