ໃນວັນທີ 11 ທັນວານີ້ຂະບວນຄາຣາວານລົດຈີນ-ອາຊຽນ 2017 ທັງເປັນຄາຣາວານລົດສື່ມວນຊົນຈີນ-ອາຊຽນໄດ້ເລີ່ມອອກລົດຢູ່ເມືອງເຫີພູເຂດປົກຄອງຕົນເອງເຜົ່າຈ້ວງກວາງຊີ ສປ ຈີນເຊິ່ງເປັນທ່າກຳປັ່ນສຳຄັນຂອງ "ເສັ້ນທາງສາຍໄໝທາງທະເລໃນສະໄໝບູຮານ", ຜູ້ຂັບລົດຈີນແລະຕ່າງປະເທດ 40 ຄົນໄດ້ພາກັນຢຽບຄັນເລັ່ງສູ່ "ການທ່ອງທ່ຽວມິດຕະພາບ" ທີ່ເປັນເວລາ 18 ວັນ, ໄລຍະທາງຍາວປະມານ 1 ໝື່ນກິໂລແມັດ.
ຂະບວນຄາຣາວານລົດຄັ້ງນີ້ຈະຜ່ານ 10 ປະເທດອາຊຽນເປັນຄັ້ງທຳອິດ, ເລີ່ມແຕ່ດ່ານມິດຕະພາບເມືອງຜິງສຽງເຂດກວາງຊີຂອງຈີນ, ຜ່ານຫວຽດນາມ, ລາວ, ໄທ, ມຽນມາ, ກຳປູເຈຍ, ມາເລເຊຍ, ສິງກະໂປ, ບຣູໄນ, ຟີລິບປິນແລະອິນໂດເນເຊຍ. ລົດທີ່ເຂົ້າຮ່ວມການແຂ່ງຂັນມາຈາກ 10 ປະເທດອາຊຽນ, ຄາດວ່າຈະມີລົດທີ່ເຂົ້າຮ່ວມຂະບວນເຖິງ 108 ຄັນ, ມີຜູ້ຂັບລົດຈີນ 20 ຄົນໃນຈຳນວນທັງໝົດ 40 ຄົນ.
 |
