ກອງປະຊຸມເວທີປຶກສາຫາລືເມືອງແຫ່ງໝາກໄມ້ຈີນ-ອາຊຽນປີ 2017 ໄດ້ຈັດຂຶ້ນຢູ່ເມືອງຜິງສຽງເຂດປົກຄອງຕົນເອງເຜົ່າຈ້ວງກວາງຊີຈີນໃນວັນທີ 11 ທັນວານີ້ ເຊິ່ງມີນັກທຸລະກິດ, ຊ່ຽວຊານ ແລະ ເຈົ້າໜ້າທີ່ລັດຖະບານ ຈາກຈີນ, ຫວຽດນາມ, ໄທ, ລາວ, ມຽນມາ ແລະ ມາເລເຊຍເຂົ້າຮ່ວມ ໂດຍໄດ້ສຸມໃສ່ປຶກສາຫາລືກັນກ່ຽວກັບການພັດທະນາຂະແໜງການການຄ້າ ແລະ ປຸງແຕ່ງໝາກໄມ້ຈີນ-ອາຊຽນ ແລະ ອື່ນໆອີກຫຼາຍຫົວຂໍ້.
ໃນຖານະເປັນກິດຈະກຳສຳຄັນຂອງເທດສະການທ່ອງທ່ຽວຊາຍແດນຈີນ-ຫວຽດນາມເມືອງຜິງສຽງເຂດກວາງຊີປີ 2017 ກໍຄືຕະຫຼາດນັດຜິງສຽງຈີນ-ຫວຽດນາມຄັ້ງທີ 25, ກອງປະຊຸມເວທີປຶກສາຫາລືດັ່ງກ່າວມີຈຸດປະສົງເນັ້ນໃສ່ຈຸດພິເສດດ້ານທີ່ຕັ້ງພູມສາດ, ການຮ່ວມມືຂ້າມຊາຍແດນ ແລະ ຍີ່ຫໍ້ຂອງຜະລິດຕະພັນໝາກໄມ້ທີ່ມີຊື່ສຽງ ເພື່ອໂຄສະນາເຜີຍແຜ່ໝາກໄມ້ຂອງຈີນ ແລະ ຂອງບັນດາປະເທດອາຊຽນສູ່ຊາວໂລກ.