ວັນທີ 11 ທັນວານີ້ຕາມເວລາທ້ອງຖິ່ນ, ທ່ານອັບເດວ-ຟາຕາ ເອວ-ຊີຊີ ປະທານາທິບໍດີເອຢິບ ແລະ ທ່ານວະລາດິເມຍ ປູຕິນ ປະທານາທິບໍດີຣັດເຊຍທີ່ໄປຢ້ຽມຢາມເອຢິບ ໄດ້ຮ່ວມກັນເຂົ້າຮ່ວມພິທີລົງນາມໃນສັນຍາຮ່ວມມືໂຄງການໂຮງໄຟຟ້ານິວເຄຼຍດາບາ ທີ່ເປັນໂຮງໄຟຟ້ານິວເຄຼຍແຫ່ງທຳອິດຂອງເອຢິບ.
ອີງຕາມການລາຍງານຂ່າວຂອງເວັບໄຊ "ອານ-ອາຣຳ" ທີ່ເປັນສື່ທາງການເອຢິບໃຫ້ຂໍ້ມູນວ່າ, ໄລຍະກໍ່ສ້າງໂຮງໄຟຟ້າດັ່ງກ່າວແມ່ນ 12 ປີ ແລະພາຍຫຼັງຕິດຕັ້ງເຄື່ອງຈັກສ່ວນໜຶ່ງແລ້ວຈະເລີ່ມຜະລິດໄຟຟ້າໃນປີ 2024. ຂ່າວແຈ້ງຕື່ມວ່າ, ຍອດການລົງທຶນຂອງໂຄງການດັ່ງກ່າວມີເກືອບ 30 ຕື້ໂດລາ. ຣັດເຊຍຈະປ່ອຍເງິນກູ້ 25 ຕື້ໂດລາໃຫ້ແກ່ໂຄງການດັ່ງກ່າວ, ຄິດໄລ່ອັດຕາດອກເບ້ຍ 3% ຕໍ່ປີ ແລະ ປ່ອຍເປັນໄລຍະ 13 ປີ.
ທີ່ຕັ້ງໂຮງໄຟຟ້ານິວເຄຼຍດາບາຢູ່ຫ່າງຈາກນະຄອນຫຼວງເລີແກຂອງເອຢິບໄປທາງທິດຕາເວັນຕົກສຽງເໜືອ 130 ກິໂລແມັດ. ເຈົ້າໜ້າທີ່ເອຢິບເຄີຍກ່າວວ່າ, ເຂດນີ້ໄກຈາກເຂດມັກເກີດແຜ່ນດິນໄຫວ ແລະ ຕົວເມືອງໃຫຍ່ ແລະ ເປັນສະຖານທີ່ເໝາະສົມສຳລັບການກໍ່ສ້າງໂຮງໄຟຟ້ານິວເຄຼຍ.