ການແຂ່ງຂັນລົດຣາລີສາກົນຈີນ-ອາຊຽນ ແລະການແຂ່ງຂັນລົດຣາລີສື່ມວນຊົນຈີນ-ອາຊຽນ 2017 ຮອບທຳອິດໄດ້ຈັດຂຶ້ນຢູ່ນະຄອນຫຼວງຮ່າໂນ້ຍປະເທດຫວຽດນາມໃນຕອນບ່າຍວັນທີ 12 ທັນວານີ້, ຫຼັງແຂ່ງຂັນເປັນເວລາ 2 ຊົ່ວໂມງເຄິ່ງ, ທ້າວ ຈ່າງມິງເຫວີຍ ນັກກິລາຈີນຄວ້າແຊ້ມໄປຄອງດ້ວຍການເຂົ້າເສັ້ນໃນເວລາພຽງ 2 ນາທີ 17 ວິນາທີ 45 ລິບດາ.
ຫຼັງການແຂ່ງຂັນຢ່າງດຸເດືອດ, ອົງການປົກຄອງນະຄອນຫຼວງຮ່າໂນ້ຍໄດ້ຈັດງານສັງສັນແລກປ່ຽນມິດຕະພາບການແຂ່ງຂັນລົດຣາລີສາກົນຈີນ-ອາຊຽນ (ຮ່າໂນ້ຍຫວຽດນາມ) ແລະການແຂ່ງຂັນລົດຣາລີສື່ມວນຊົນຈີນ-ອາຊຽນ 2017 ຢູ່ໂຮງແຮມທີ່ພັກຂອງຄະນະຈັດການແຂ່ງຂັນໂດຍເນັ້ນຫົວຂໍ້ "ຮັບໃຊ້ຂໍ້ລິເລີ່ມ ໜຶ່ງແລວທາງໜຶ່ງເສັ້ນທາງ,ສົ່ງເສີມການເຊື່ອມໂຍງເຊື່ອມຈອດກັນ", ຫົວໜ້າພະແນກກິລາກວາງຊີຈີນແລະຫົວໜ້າພະແນກຮ່ວມມືສາກົນຂອງກົມກິລາຫວຽດນາມພ້ອມດ້ວຍເຈົ້າໜ້າທີ່ລັດຖະບານຫວຽດນາມທ່ານອື່ນໆໄດ້ພົບປະໂອລົມກັນຢ່າງສະໜິດສະໜົມເພື່ອສ້າງພື້ນຖານທີ່ດີໃຫ້ແກ່ການຮ່ວມມືກຢ່າງເລິກເຊິ່ງໃນຕໍ່ໜ້າ ແລະສອງຝ່າຍຕ່າງຄາດຫວັງຮ່ວມກັນວ່າຕໍ່ໄປຈະໄດ້ແລກປ່ຽນ ແລະຮ່ວມມືດ້ານວັດທະນະທຳໃຫ້ເຂົ້າສູ່ລວງເລິກຫຼາຍ ກວ່າເກົ່າ.