ກົມປ້ອງກັນແລະບັນເທົາສາທາລະນະໄພຂອງໄທເປີດເຜີຍໃນວັນທີ 12 ທັນວານີ້ວ່າ: ນັບແຕ່ວັນທີ 25 ພະຈິກມາເຖິງປັດຈຸບັນ, ພື້ນທີ່ 11 ແຂວງຢູ່ພາກໃຕ້ປະເທດຕົນໄດ້ເກີດໄພນ້ຳຖ້ວມ, ມີຫຼາຍກວ່າ 515.000 ຄອບຄົວຫຼື 1.650.000 ຄົນໄດ້ຮັບຜົນກະທົບ, ປັດຈຸບັນ ມີຜູ້ເສຍຊີວິດແລ້ວ 29 ຄົນ.
ໄພນ້ຳຖ້ວມສົ່ງຜົນເຮັດໃຫ້ທາງແລະຂົວຫຼາຍແຫ່ງໄດ້ຮັບຜົນເສຍຫາຍ, ເສັ້ນທາງການສັນຈອນຖືກນ້ຳຖ້ວມຂວາງກັ້ນ, ວັດວາອາຮາມ, ໂຮງຮຽນແລະເຮືອນຊານຂອງປະຊາຊົນບາງແຫ່ງຖືກຖ້ວມ. ປັດຈຸບັນ, ພາກສ່ວນກ່ຽວຂ້ອງຂອງລັດຖະບານໄທໄດ້ໃຊ້ມາດຕະການເພື່ອຊ່ວຍເຫຼືອປະຊາຊົນເຂດປະສົບໄພຢ່າງເລັ່ງດ່ວນ.
 |
