ກິດຈະກຳທົບທວນຄືນການສ້າງຕັ້ງສະມາຄົມວິຊາການກະສິກຳຈີນຄົບຮອບ 100 ປີ ໄດ້ຈັດຂຶ້ນຢູ່ນະຄອນຫຼວງປັກກິ່ງໃນຕອນເຊົ້າວັນທີ 12 ທັນວານີ້ ໂດຍທ່ານ ຫວ່າງຢາງ ກຳມະການປະຈຳກົມການເມືອງສູນກາງພັກ ຮອງນາຍົກລັດຖະມົນຕີຈີນໄດ້ເຂົ້າຮ່ວມກິດຈະກຳແລະກ່າວປາໄສ.
ແລະທ່ານ ສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດ, ປະທານຄະນະກຳມະການການທະຫານສູນກາງຈີນໄດ້ສົ່ງສານຊົມເຊີຍການສ້າງຕັ້ງສະມາຄົມວິຊາການກະສິກຳຈີນຄົບຮອບ 100 ປີ, ພ້ອມທັງສະແດງຄວາມຢື້ຢາມຖາມຂ່າວຢ່າງຈິງໃຈຕໍ່ບັນດາສະຫາຍໃນສະມາຄົມ ແລະພະນັກງານເຮັດວຽກວິທະຍາສາດເຕັກນິກກະສິກຳທຸກຖ້ວນໜ້າ.
ສະມາຄົມວິຊາການກະສິກຳຈີນສ້າງຕັ້ງຂຶ້ນເມື່ອປີ 1917, ເປັນໜຶ່ງໃນສະມາຄົມວິຊາການທີ່ສຳຄັນທີ່ສ້າງຕັ້ງຂຶ້ນກ່ອນໝູ່ຂອງຈີນ.