ໜັງສືພິມອັຟການິສຖານທາມລາຍງານໃນເມື່ອມໍ່ໆນີ້ວ່າ: ດາຊັບ ແລະໂຄສ ເຕປາ ພາກໃຕ້ຂອງແຂວງໂຈສຈັນ ທາງພາກເໜືອອັຟການິສະຖານໄດ້ຖືກກຸ່ມISຄວບຄຸມແລ້ວ, ເຫຼືອແຕ່ສຳນັກງານຫ້ອງການຕຳຫຼວດແລະເຈົ້າໜ້າທີ່ອົງການປົກຄອງເທົ່ານັ້ນຍັງຢູ່ໃຕ້ການຄວບຄຸມຂອງອົງການປົກຄອງທ້ອງຖິ່ນດັ່ງກ່າວ. ປະຊາຊົນຈຳນວນຫຼາຍໄດ້ໜີໄປລີ້ໄພຢູ່ເມືອງເຊເບີກັນ ເທດສະບານແຂວງດັ່ງກ່າວ. ຂະນະທີ່ກອງທັບຮັກສາຄວາມໝັ້ນຄົງອັຟການິສະຖານເລີ່ມປາບປາມກຸ່ມISຢູ່ສອງແຫ່ງດັ່ງກ່າວນັບແຕ່ວັນທີ 12 ທັນວາຜ່ານມາ.
ນອກນີ້, ໜັງສືພິມກາບູນທາມລາຍງານວ່າ: ປັດຈຸບັນ,ກຸ່ມ IS ໄດ້ສ້າງຖານທີ່ໝັ້ນຫຼາຍແຫ່ງຢູ່ແຂວງໂຈສຈັນ ທັງໄດ້ປິດເສັ້ນທາງຈາກດາຊັບຫາເຂດແຄວ້ນອື່ນ ແລະມີຜູ້ປະກອບອາວຸດ IS ປະມານ 300 ຄົນກຳລັງບັງຄັບເກນເອົາເດັກນ້ອຍທ້ອງຖິ່ນດັ່ງກ່າວເພື່ອອົບຮົມກໍ່ສ້າງໃຫ້ເປັນກຳລັງປະກອບອາວຸດຂອງກຸ່ມ IS.