ວັນທີ 13 ທັນວານີ້, ນັກຮຽນປີທີ 6 ທັງໝົດ 3 ຫ້ອງຂອງໂຮງຮຽນປະຖົມເຈຍຟ້າງລູ້ນະຄອນຈີນານແຂວງຊ່ານຕຸ່ງ ສປ ຈີນໄດ້ຫັດກາຍະບໍລິຫານໃນໂມງພັກຜ່ອນຢູ່ເດີ່ນຫັດກາຍທີ່ກວ້າງປະມານ 300 ຕາແມັດຢູ່ດາດຟ້າຊັ້ນ 5 ຂອງຕຶກຫ້ອງການສຶກສາ. ອາຄານ ຫຼັງດັ່ງກ່າວສ້າງສຳເລັດແລະເປີດນຳໃຊ້ມາຕັ້ງແຕ່ກາງປີນີ້, ເນື່ອງຈາກເນື້ອທີ່ຂອງໂຮງຮຽນມີຈຳກັດ, ຈິ່ງອອກແບບດາດຟ້າອາຄານດັ່ງກ່າວໃຫ້ເປັນເດີ່ນຫັດກາຍໂດຍພື້ນປູຫຍ້າທຽມ, ເຮັດກຳແພງອ້ອມສູງເຖິງ 1,6 ແມັດເພື່ອປ້ອງກັນບໍ່ໃຫ້ນັກຮຽນປີນ ແລະໃນໄລຍະຫັດກາຍຈະມີຄູນຳພາແລະເບິ່ງແຍງຄວາມຮຽບຮ້ອຍເພື່ອຮັບປະກັນຄວາມປອດໄພຂອງນັກຮຽນ.
