ວັນທີ 14 ທັນວານີ້, ສານສູງສຸດໄທຢືນຢັນວ່າ, ທ່ານ ຈະຕຸພອນ ພົມພັນ ຜູ້ນຳກຸ່ມເສື້ອແດງທີ່ສະໜັບສະໜູນທ່ານ ທັກສິນ ຊິນນະວັດ ອະດີດນາຍົກລັດຖະມົນຕີຢ່າງເດັດດ່ຽວນັ້ນ ຖືກໂທດໃນຂໍ້ຫາໃສ່ຮ້າຍປ້າຍສີ ທ່ານ ອະພິສິດ ເວດຊາຊີວະ ອະດີດນາຍົກລັດຖະມົນຕີ ເຊິ່ງໃນຄາວນັ້ນທ່ານ ອະພິສິດ ເປັນຝ່າຍຄັດຄ້ານທ່ານ ທັກສິນ ໃນປີ 2009, ຈຶ່ງຕັດສິນໃຫ້ທ່ານຈະຕຸພອນຕິດຄຸກ 12 ເດືອນ ແລະບໍ່ໃຫ້ລໍລົງອາຍາ. ນີ້ແມ່ນເທື່ອທີສອງທີ່ທ່ານ ຈະຕຸພອນຖືກຕັດສິນຕິດຄຸກນັບແຕ່ຕົ້ນປີນີ້ມາ.
ສານສູງສຸດເຫັນວ່າ, ຈຸດປະສົງຂອງທ່ານ ຈະຕຸພອນ ທີ່ໃສ່ຮ້າຍປ້າຍສີທ່ານ ອະພິສິດ ກໍເພື່ອເຮັດໃຫ້ປະຊາຊົນໄລ່ໃຫ້ທ່ານອະພິສິດອອກຈາກຕຳແໜ່ງ ໂດຍຢືນຢັນວ່າ, ນີ້ເປັນໂທດໃນຂໍ້ຫາໃສ່ຮ້າຍປ້າຍສີ, ແຕ່ເມື່ອພິຈາລະນາວ່າ, ທ່ານ ຈະຕຸພອນ ໄດ້ສາລະພາບຄວາມຜິດ, ຈຶ່ງຜ່ອນໂທດຈາກການຕັດສິນຈຳຄຸກ 2 ປີຂອງສານຊັ້ນຕ່ຳກ່ອນໜ້ານີ້ໃຫ້ເຫຼືອພຽງ 12 ເດືອນ.
 |
