ກະຊວງກະສິກຳຈີນແຈ້ງໃຫ້ຊາບວ່າ, ວັນທີ 14 ທັນວານີ້, ຈີນໄດ້ມອບພັນປາ Plectropomus Ieopardus 1 ແສນໂຕເປັນງວດທຳອິດໃຫ້ຟິລິບປິນ ໂດຍໄດ້ເລີ່ມຂົນສົ່ງຢູ່ທ່າກຳປັ່ນຂອງເມືອງເວີນຊ່າງແຂວງໄຫຫຼຳຢ່າງເປັນທາງການ.
ຂ່າວແຈ້ງວ່າ, ວັນທີ 15 ພະຈິກຜ່ານມາ, ຜູ້ຕາງໜ້າກະຊວງກະສິກຳຈີນ-ຟິລິບປິນ ໄດ້ລົງນາມໃນ "ບົດບັນທຶກຄວາມເຂົ້າໃຈກ່ຽວກັບກະຊວງກະສິກຳສາທາລະນະລັດປະຊາຊົນຈີນມອບພັນປາ Plectropomus Ieopardus ໃຫ້ຟິລິບປິນ" ໂດຍລະບຸວ່າ, ຈີນຈະມອບພັນປາດັ່ງກ່າວໃຫ້ຜູ້ລ້ຽງຂອງຟິລິບປິນປີລະ 1 ແສນໂຕໂດຍບໍ່ເກັບຄ່າໃນລະຫວ່າງປີ 2017-2019.
ປັດຈຸບັນ, ປາ Plectropomus Ieopardus ແມ່ນປາທີ່ຫາຍາກ ແລະໄດ້ຮັບການອະນຸລັກ ເຊິ່ງພວກມັນອາໄສຢັ່ງຢາຍຢູ່ທະເລຈີນໃຕ້ ແລະພາກຕາເວັນອອກຂອງມາເລເຊຍ.