ກາງຄືນວັນທີ 15 ທັນວານີ້ ຢູ່ພາກໃຕ້ແຂວງຈາວາຕາເວັນຕົກ ປະເທດອິນໂດເນເຊຍ ໄດ້ເກີດແຜ່ນດິນໄຫວລະດັບ 6,9 ຣິກເຕີ, ປັດຈຸບັນຍັງບໍ່ມີການລາຍງານກ່ຽວກັບຄວາມເສຍຫາຍທາງດ້ານຊັບສິນ ແລະຜູ້ບາດເຈັບ ຫຼື ເສຍຊີວິດເທື່ອ. ທາງຝ່າຍອົງການຕິດຕາມແຜ່ນດິນໄຫວອິນໂດເນເຊຍ ໄດ້ອອກປະກາດເຕືອນໄພສຶນາມິ ເຖິງປະຊາຊົນຢູ່ແຂວງຊາວາຕາເວັນຕົກ, ແຂວງຊາວາກາງ ແລະ ເຂດພິເສດໂຈຍາກາຕາ ທີ່ຢູ່ພາກກາງ ແລະພາກຕາເວັນຕົກເກາະຊາວາ.
ສື່ມວນຊົນອິນໂດເນເຊຍ ໄດ້ລາຍງານໂດຍອ້າງຕາມຄຳເວົ້າຂອງຜູ້ຢູ່ໃນທີ່ເກີດເຫດວ່າ: ແຜ່ນດິນໄຫວ ໄດ້ເກີດຂຶ້ນຕໍ່ເນື່ອງປະມານ 1 ນາທີ, ບັນດາປະຊາຊົນຕ່າງພາກັນຫວາດຫວັ່ນ ແລະແລ່ນໜີອອກຈາກເຮືອນຢູ່ ຫຼື ບ່ອນພັກຂອງຕົນ ຢູ່ນະຄອນຫຼວງຈາກາຕາ ທີ່ຫ່າງຈາກຈຸດສູນກາງແຜ່ນດິນໄຫວ 200 ກວ່າກິໂລແມັດ ກໍຮູ້ສຶກເຖິງແຮງສັ່ນສະເທືອນຢ່າງຮຸນແຮງ.
