ສະຖານກົງສຸນໃຫຍ່ຈີນປະຈຳລາກົສຢືນຢັນວ່າ, ປະຊາຊົນຈີນ 4 ຄົນທີ່ຖືກຈີ້ຕົວຢູ່ພາກຕາເວັນຕົກສຽງໃຕ້ນີເຊຣີໄດ້ຖືກຊ່ວຍກູ້ຕົວຈາກທະຫານນີເຊຣີໃນວັນທີ 16 ທັນວານີ້.
ສະຖານກົງສຸນດັ່ງກ່າວເປີດເຜີຍວ່າ, ເວລາ 5 ໂມງຂອງວັນທີ 14 ທັນວານີ້, ຊາວປະມົງຈີນ 4 ຄົນຖືກໂຈນສະລັດຈີ້ຕົວໃນເວລາຫາປາຢູ່ໃກ້ທະເລຕາເວັນອອກຂອງລາກົສ. ຫຼັງຈາກນັ້ນໂຈນສະລັດໄດ້ເດີນເຮືອໄປທາງທິດແຂວງໂອນໂດແລະຖືກກຳປັ່ນລາດຕະເວນຂອງນີເຊຣີພົບເຫັນ. ວັນທີ 16 ທັນວານີ້, ທະຫານນີເຊຣີໄດ້ສູ້ຮົບກັບໂຈນສະລັດຢູ່ເຂດນ້ຳໂອນໂດ, ແລະໄດ້ຊ່ວຍກູ້ຕົວປະຊາຊົນຈີນ 4 ຄົນ.
ສະຖານກົງສຸນໃຫຍ່ຈີນປະຈຳລາກົສກ່າວວ່າ, ມີປະຊາຊົນຈີນ 3 ຄົນໄດ້ບາດເຈັບໃນເຫດການດັ່ງກ່າວ, ປັດຈຸບັນໄດ້ສົ່ງໄປປິ່ນປົວຢູ່ໂຮງໝໍທ້ອງຖິ່ນ, ທາງສະຖານກົງສຸນພວມກຽມຈະໄປຢ້ຽມຢາມ.