ພະແນກກິລາແຂວງຢຸນນານຈີນເປີດເຜີຍວ່າ, ງານແຂ່ງລົດສາກົນອາຊຽນ "4+2" ຈະຈັດຂຶ້ນແຕ່ວັນທີ 20 ຫາວັນທີ 29 ມັງກອນປີໜ້າ.
ຂ່າວແຈ້ງວ່າ, ເປົ້າໝາຍຂອງການແຂ່ງຂັນດັ່ງກ່າວແມ່ນເພື່ອຊຸກຍູ້ການແລກປ່ຽນດ້ານວັດທະນະທຳແລະກິລາຢ່າງຮອບດ້ານແລະທຸກຂັ້ນລະຫວ່າງປະເທດທີ່ເຂົ້າຮ່ວມ. ຮູບການແຂ່ງຂັນເທື່ອນີ້ແມ່ນການແຂ່ງຂັນເປັນໝູ່ຄະນະແບບ "4+2" ຄື: ລົດ 4 ລໍ້+ ລົດຖີບ 2 ລໍ້, ຈະແບ່ງເສັ້ນທາງແຂ່ງຂັນເປັນໄລຍະ 4 ຕອນຄື: ຕອນສິບສອງພັນນາຢູ່ຈີນ, ຕອນສາມຫຼ່ຽມຄຳຢູ່ລາວ, ຕອນຊຽງລາຍແລະຕອນຊຽງໃໝ່ຢູ່ໄທ. ປັດຈຸບັນມີນັກຂັບ 200 ຄົນຂອງຈຳນວນ 50 ທີມໄດ້ສະເໜີຕົວເຂົ້າຮ່ວມການແຂ່ງຂັນແລ້ວ.
ການແຂ່ງຂັນຄັ້ງນີ້ມີ 3 ຝ່າຍໄດ້ຮ່ວມກັນຈັດຂຶ້ນຄືສູນບໍລິການແລກປ່ຽນຕໍ່ຕ່າງປະເທດຂອງພະແນກກິລາແຂວງຢຸນນານ, ສຳນັກງານອົງການທ່ອງທ່ຽວແຫ່ງຊາດໄທປະຈຳຄຸນມິງແລະຄະນະກຳມະການຄຸ້ມຄອງເຂດເສດຖະກິດພິເສດສາມຫຼ່ຽມຄຳລາວ.