ວັນທີ 15 ທັນວານີ້, ເນື່ອງຈາກຜົນລົງຄະແນນສຽງ 93 ຕໍ່ 17 ຄະແນນ, ສະພາເປຣູຮັບຮອງຍັດຕິກ່າວໂທດທ່ານເປໂດຣ ປັບໂລ ກູຊິນສກີ ກໍດັດ ປະທານາທິບໍດີເປຣູ.
ສະພາເປຣູຈະດຳເນີນການພິຈາລະນາຄະດີ ແລະລົງຄະແນນສຽງຄັ້ງສຸດທ້າຍໃນວັນທີ 21 ທັນວານີ້.
ທ່ານສະລະເວຣີ ໂຄສົກຂອງພັກກຳລັງປະຊາຊົນທີ່ເປັນພັກຝ່າຍຄ້ານໃຫຍ່ທີ່ສຸດໃນສະພາເປຣູກ່າວວ່າ: ທ່ານກູຊິນສກີໄດ້ໃຫ້ຄຳປຶກສາຕໍ່ບໍລິສັດກໍ່ສ້າງເບຼຊິນໂດຍກົງ ແລະໄດ້ນຳໃຊ້ສິດຕຳແໜ່ງຊ່ວຍບໍລິສັດດັ່ງກ່າວຮັບໂຄງການສາທາລະນະ. ກະທຳຂອງທ່ານໄດ້ເສຍຄວາມໄວ້ເນື້ອເຊື່ອໃຈຂອງປະຊາຊົນເປຣູ, ດັ່ງນັ້ນ, ທາງອອກທີ່ດີທີ່ສຸດທ່ານຕ້ອງລາອອກຈາກຕຳແໜ່ງ ຫຼື ຖືກກ່າວໂທດເທົ່ານັ້ນ.
ຖ້າສະພາເປຣູຮັບຮອງຄະດີກ່າວໂທດນີ້, ທ່ານມະຕິນ ອັນເປີໂຕ ວິສກະຣະ ໂກເນໂຈ ຮອງປະທານາທິບໍດີເປຣູຈະຂຶ້ນເປັນປະທານາທິບໍດີຄົນໃໝ່ແທນທັນທີ.