ວັນທີ 14 ທັນວານີ້, ງານວາງສະແດງເສດຖະກິດທະເລຈີນຄັ້ງທີ 5 ທີ່ຈັດຂຶ້ນຢູ່ເມືອງຈ້ານຈ່ຽງແຂວງກວາງຕຸ້ງຈີນໃຫ້ຮູ້ວ່າ, ຈີນໄດ້ຜະລິດກຳປັ່ນ "ທ່ຽນສິງ 1" ເປັນກຳປັ່ນໄຮ້ຄົນຂັບທີ່ໄວທີ່ສຸດໃນໂລກ.
"ທ່ຽນສິງ 1" ໄດ້ຜະລິດອອກມາໃນເດືອນກັນຍາປີນີ້, ຄວາມໄວທີ່ແລ່ນໄດ້ສູງສຸດສູງກວ່າ 92,6 ກິໂລແມັດຕໍ່ຊົ່ວໂມງ ເຊິ່ງແມ່ນມະຫາວິທະຍາໄລວິສະວະກຳຮາປິນ ແລະ ບໍລິສັດກຳປັ່ນໄຮສບີເຊິນເຈິ້ນຮ່ວມກັນຄົ້ນຄວ້າຜະລິດ. ກຳປັ່ນລຳນີ້ຍາວ 12,2 ແມັດ, ບໍລິມາດທີ່ແທນທີ່ນ້ຳຂອງພື້ນທ້ອງເຮືອເມື່ອບັນທຸກສິນຄ້າເຕັມ (LDT) ແມ່ນ 7,5 ໂຕນ ແລະ ມີກຳລັງຊຸກດັນດ້ວຍນ້ຳມັນ ແລະ ໄຟຟ້າເປັນກຳລັງຫຼັກໃນການຂັບເຄື່ອນ. ບໍລິສັດໄຮສບີເປັນບໍລິສັດຜະລິດກຳປັ່ນທຸລະກິດທີ່ໃຫຍ່ທີ່ສຸດຂອງຈີນ. ປັດຈຸບັນ, "ທ່ຽນສິງ 1" ໄດ້ສົ່ງມອບໃຫ້ລູກຄ້າແລ້ວ.
ປີຜ່ານມາ, ເຈົ້າໜ້າທີ່ທະຫານອັງກິດເຄີຍເປີດເຜີຍຂໍ້ມູນກ່ຽວກັບກຳປັ່ນສອດແນມໄຮ້ຄົນຂັບທີ່ມີຄວາມໄວສູງກວ່າ 92,6 ກິໂລແມັດຕໍ່ຊົ່ວໂມງ ແລະ ຍາວ 10 ແມັດ. ບໍລິສັດໄຮສບີເປີດເຜີຍວ່າ, ຫາກອີງຕາມຂໍ້ມູນທີ່ບໍລິສັດຕົນເກັບກຳໄດ້, ກຳປັ່ນໄຮ້ຄົນຂັບຂອງຈີນຖືເປັນກຳປັ່ນທີ່ໄວທີ່ສຸດໃນໂລກປັດຈຸບັນ.