ການວາງສະແດງຮູບພາບວັດທະນະທຳຕິເບດຈີນ 2017 ໄດ້ຈັດຂຶ້ນຢູ່ນະຄອນຢາງກຸງປະເທດມຽນມາໃນວັນທີ 17 ທັນວານີ້ ເຊິ່ງມີຮູບພາບ 60 ກວ່າຮູບຂອງຊ່າງຖ່າຍຮູບດີເດັ່ນທັງຈີນ ແລະ ຕ່າງປະເທດ ທີ່ມີເນື້ອໃນສ່ອງແສງໃຫ້ເຫັນການສືບທອດມູນເຊື້ອວັດທະນະທຳ, ການອະນຸລັກສິ່ງແວດລ້ອມ, ສະພາບການຜະລິດ ແລະ ການດຳລົງຊີວິດຂອງເຂດຕິເບດໃນມຸມຕ່າງໆມາວາງສະແດງ.
ທ່ານຫົງລຽງ ເອກອັກຄະລັດຖະທູດຈີນປະຈຳມຽນມາກ່າວໃນພິທີເປີດການວາງສະແດງວ່າ, ການວາງສະແດງເທື່ອນີ້ມີຄວາມໝາຍສຳຄັນຕໍ່ການຊຸກຍູ້ມິດຕະພາບດັ່ງອ້າຍນ້ອງລະຫວ່າງຈີນກັບມຽນມາ ເຊິ່ງຈະມີຜົນດີຊ່ວຍໃຫ້ຄົນວົງການຕ່າງໆຂອງມຽນມາເພີ່ມຄວາມເຂົ້າໃຈຕໍ່ຕິເບດ ແລະ ເຊື່ອວ່າ ການແລກປ່ຽນວັດທະນະທຳລະຫວ່າງມຽນມາກັບຕິເບດຈະເພີ່ມພະລັງໃໝ່ໃຫ້ແກ່ການພົວພັນຈີນ-ມຽນມາ.
ການວາງສະແດງຮູບພາບຄັ້ງນີ້ແມ່ນຫ້ອງການຖະແຫຼງຂ່າວຄະນະລັດຖະບານຈີນ, ສະຖານທູດຈີນປະຈຳມຽນມາ, ສະມາຄົມມິດຕະພາບຈີນມຽນມາຮ່ວມກັນຈັດຂຶ້ນ. ໃນໄລຍະຈັດການວາງສະແດງ, ຄະນະແລກປ່ຽນວັດທະນະທຳຕິເບດຈີນຍັງຈະສົນທະນາແລກປ່ຽນກັບພາກສ່ວນ ແລະ ອົງການຈັດຕັ້ງທີ່ກ່ຽວຂ້ອງຢູ່ນະຄອນຢາງກຸງ ແລະ ນະຄອນຫຼວງເນປີດໍ.